ເປີດໂຕຮູບເງົາ “ວັນຄົບຮອບ”

ພິທີເປີດໂຕຮູບເງົາເລື່ອງວັນຄົບຮອບໄດ້ມີຂື້ນໃນວັນທີ 27 ມີນານີ້, ທີ່ສູນການຄ້າວຽງຈັນ ເຊັນເຕີ, ເພື່ອໃຫ້ສື່ມວນຊົນ ແລະ ຜູ້ສະໜັບສະໜູນໄດ້ຮັບຊົມເປັນ ຮອບປະຖົມມະເລີກ, ໂດຍການ ເຂົ້າຮ່ວມຂອງທ່ານ ຫົວໜ້າ ກົມ ຮູບເງົາ, ກະຊວງຖະແຫຼງຂ່າວ ວັດທະນະທຳ ແລະ ທ່ອງທ່ຽວ, ພ້ອມດ້ວຍທີມງານນັກສະແດງ, ຜູ້ສະໜັບສະໜູນ ແລະ ສື່ມວນຊົນ ເຂົ້າຮ່ວມເປັນຈຳນວນຫຼາຍ ແລະ ຄາດວ່າຮູບເງົາເລື່ອງນີ້ ຈະເລີ່ມ ສາຍເປັນທາງການໃຫ້ມວນຊົນ ໄດ້ຮັບຊົມນັບແຕ່ວັນທີ 30 ມີນາ ນີ້ເປັນຕົ້ນໄປຢູ່ໂຮງຮູບເງົາສູນ ການຄ້າວຽງຈັນເຊັນເຕີ  ແລະ ໂຮງຮູບເງົາທົ່ວປະເທດ.

ທ່ານ ຈິລະສັກ ສາຍສະໜິດ ຜູ້ກຳກັບການສະແດງຮູບເງົາ ເລື່ອງນີ້ໃຫ້ຮູ້ວ່າ: ຮູບເງົາເລື່ອງ “ວັນຄົບຮອບ”    ເລີ່ມລົງມືຖ່າຍ ທຳມາແຕ່ປີ 2015, ມີຄວາມ ຍາວ 1 ຊົ່ວໂມງ 30  ນາທີ,  ມີ ນັກສະແດງທັງໝົດ 30 ກວ່າຄົນ, ເປັນເລື່ອງລາວຄວາມຮັກຂອງ ບ່າວ-ສາວທີ່ມີຄວາມແຕກຕ່າງ ດ້ານຖານະ, ມີຄວາມຕະຫຼົກເຮ ຮາ ແລະ ສື່ເຖິງຄວາມຮັກ, ຊຶ່ງ ມີທັງອົກຫັກ, ສົມຫວັງ ແລະ ມີຄວາມຫຼາກຫຼາຍແຫ່ງວິຖີຊີວິດໃນສັງຄົມຍຸກປັດຈຸບັນ.