ບໍລິສັດ Sybaris ເຂົ້າຮ່ວມງານວາງສະແດງສິນຄ້າ ຢູ່ ສປປ ລາວ ວັນທີ 25-29 ສິງຫາ 2022

ໃນວັນທີ 25 ສິງຫາ 2022 ທ່ານ ເຈີນ ວັນ ແທງ ຫລື ເຢືອງ ຕຸງ ເຍີນ ປະທານບໍລິສັດ Sybaris ເປັນໜຶ່ງໃນບໍລິສັດຂອງຫວຽດນາມທີ່ເຂົ້າຮ່ວມໃນງານວາງສະແດງສິນຄ້າລາວ-ຫວຽດນາມປະຈຳປີ 2022 ເຊິ່ງຈັດຂຶ້ນໃນວັນທີ 25-29 ສິງຫາ ທີ່ ສູນການຄ້າລາວໄອເຕັກ ນະຄອນຫລວງວຽງຈັນ ເຊິ່ງມີບໍລິສັດຂອງຫວຽດນາມເຂົ້າຮ່ວມທັງໝົດ 80 ຫົວໜ່ວຍ ຈຳນວນ 102 ຫ້ອງ ແລະ ບໍລິສັດລາວເຂົ້າຮ່ວມ ທັງໝົດ 48 ຫົວໜ່ວຍ ຈຳນວນ 50 ຫ້ອງ ມີຫລາຍປະເພດສິນຄ້າເຊັ່ນ: ອາຫານ, ເຄື່ອງດື່ມ, ເຄື່ອງຫັດຖະກຳ, ແຜ່ນແພ, ເຄື່ອງເຟນິເຈີ, ວັດສະດຸກໍ່ສ້າງ, ເຄື່ອງອຸປະໂພກ ແລະ ບໍລິໂພກ.
ທ່ານ ເຈີນ ວັນ ແທງ ໄດ້ໃຫ້ສຳພາດວ່າ: ຈຸດປະສົງທີ່ເຂົ້າມາຮ່ວມງານວາງສະແດງສິນຄ້າໃນຄັ້ງນີ້ເພື່ອມາສຳຫລວດຄວາມເປັນໄປໄດ້ໃນການລົງທຶນດ້ານການທ່ອງທ່ຽວຢູ່ ສປປ ລາວ ເພາະເຊື່ອວ່າໃນອະນາຄົດການທ່ອງທ່ຽວຢູ່ໃນລາວຈະມີການພັດທະນາຢ່າງຫລວງຫລາຍ, ບໍລິສັດ Sybaris ເປັນບໍລິສັດທີ່ເຮັດກ່ຽວກັບການອອກແບບຊຸດແຕ່ງງານ, ເສື້ອແວດ ເຊິ່ງສ້າງຕັ້ງມາໄດ້ 1 ປີກວ່າແລ້ວ ໄດ້ໃຊ້ເງິນລົງທຶນໄປປະມານ 10 ຕື້ດົງ, ສ່ວນທຸລະກິດຢູ່ຫວຽດນາມແມ່ນເຮັດກ່ຽວກັບ ແກ້ວ, ແຫວນ, ເງິນທອງ, ຫີນປະເສີດ, ຜະລິດການປຸງແຕ່ງແຮ່ຄຳ ແລະ ດ້ານການຄ້າກ່ຽວກັບການທ່ອງທ໋ຽວ. ນອກຈາກ ຈະເປັນປະທານບໍລິສັດແລ້ວຍັງມີອາຊີບເສີມເປັນນັກຮ້ອງ, ນາຍແບບ ແລະ ທີ່ສຳຄັນ ເປັນຜູ້ອຸປະຖຳມົງກຸດໃຫ້ miss grand international 2021 ໃຫ້ ນາງ ຫງວຽນ ທຸກ ຖີວ ຕ່ຽນ “ Nguyễn Thúc Thuỳ Tiên.