ປະຊາກອນທົ່ວໂລກ ຜະເຊີນກັບຄວາມບໍ່ໝັ້ນຄົງດ້ານອາຫານ 345 ລ້ານຄົນ
ສຳນັກຂ່າວ ຣອຍເຕີລາຍງານວັນທີ 25 ສິງຫາ 2022 ນີວ່າ: ອົງການ ອາຫານໂລກ ເປີດເຜີຍ ກ່ຽວກັບຄົນທີ່ຕ້ອງ ຜະເຊີນໜ້າກັບຄວາມບໍ່ໝັ້ນຄົງດ້ານສະບຽງອາຫານທົ່ວໂລກທີ່ຮຸນແຮງເພີ່ມຂຶ້ນຫລາຍກວ່າ ສອງເທົ່າສູງເຖິງ 345 ລ້ານຄົນ ນັບຕັ້ງແຕ່ ປີ 2019 ໃນໄລຍະ ການລະບາດ ຂອງໂຄວິດ-19ລວມທັງມາຈາກສະພາບການຄວາມຂັດແຍ້ງລະດັບພາກພື້ນ ແລະ ການປ່ຽນແປງດິນຟ້າອາກາດ ນັບມື້ ຮຸນແຮງຂຶ້ນ.
ກ່ອນການແພ່ລະບາດ ໂຄວິດ-19 ມີປະຊາກອນໂລກ 135 ລ້ານຄົນຕົກຢູ່ໃນ ຄວາມອຶດຫິວ ໂດຍຕົວເລກດັ່ງກ່າວເພີ່ມຂຶ້ນຢ່າງຕໍ່ເນື່ອງ ຍ້ອນຫລາຍປັດໄຈ ທີ່ເກີດຂຶ້ນໃນຫລາຍພາກພື້ນ ເຮັດໃຫ້ມີການນຳເຂົ້າອາຫານເພີ່ມສູງຂຶ້ນ ໂດຍສະເພາະເຢເມນ ນຳເຂົ້າອາຫານ ເຖິງ 90% ແລະ ນຳເຂົ້າສິນຄ້າທາງທະເລດຳປະມານ 30%, ອີຣັກຕ້ອງການເຂົ້າບາເລ 5,2 ລ້ານໂຕນແຕ່ປູກເຂົ້າບາເລໄດ້ພຽງ 2,3 ລ້ານໂຕນ ສ່ວນທີ່ເຫລືອແມ່ນນຳເຂົ້າໃນລາຄາສູງກວ່າປົກກະຕິທີ່ໄດ້ຮັບຜົນກະທົບຈາກໄພແຫ້ງແລ້ງຢ່າງຮຸນແຮງ.
ຂ່າວ: ຂປລ
