ຄາເຊມີໂຣ ເປີດໃຈຫລັງຍ້າຍຢູ່ກັບ ແມນຢູ ພູມໃຈໄດ້ສານຝັນໃນໄວເດັກ

ຄາເຊມີໂຣ ໄດ້ເປີດໃຈຜ່ານເວັບໄຊຂອງສະໂມສອນ ເຖິງການຍ້າຍທີມມາຫລິ້ນໃນກັບ ແມນເຊສເຕີ ຢູໄນເຕັດ ຄັ້ງນີ້ ໂດຍລາວ ເປີດເຜີຍວ່າ : ຮູ້ສຶກເສຍດາຍທີ່ບໍ່ໄດ້ລົງຫລິ້ນໃນເກມແດງເດືອດຜ່ານມາ ດ້ວຍບັນຍາກາດທີ່ຫນ້າຕື່ນເຕັ້ນແບບນີ້ ແຕ່ລາວກໍ ຮູ້ສຶກຕື່ນເຕັ້ນຫລາຍ ທີ່ໄດ້ມາຫລິ້ນໃນ ໂອນ ແທຣ໊ຟຟອດ ແລະ ຫວັງຈະພາທີມປະສົບຄວາມສຳເລັດໃຫ້ໄດ້ຫລາຍທີ່ສຸດ.

ນອກຈາກນີ້ ລາວຍັງເປີດເຜີຍວ່າ ການເລືອກມາຮັບໃຊ້ ແມນຢູ ຖືເປັນການສານຝັນໃນໄວເດັກຂອງຕົນເອງໄດ້ເປັນຢ່າງດີ ເພາະເມື່ອອາຍຸ 15 ປີ ເຄີຍມາທີ່ສະໜາມແຫ່ງນີ້ ແລະ ຫວັງຢາກຈະມາເປັນສ່ວນຫນຶ່ງຂອງທີມຈັກເທື່ອໃນຊີວິດ.

‘‘ ຂ້ອຍໄດ້ກັບມາສະຖານທີ່ແຫ່ງນີ້ໃນອີກ 15 ປີຕໍ່ມາ ຂ້ອຍບໍ່ຮູ້ວ່າມີໃຜຮູ້ເລື່ອງນີ້ຫລືບໍ່ ຂ້ອຍເຄີຍມາຫລິ້ນລາຍການຢູ່ນີ້ຕອນອາຍຸ 15 ປີ ເມື່ອຕອນຢູ່ກັບ ເຊົາ ເປົາໂລ ເຈົ້າມີພາບຈຳເຫລົ່ານັ້ນວົນວຽນຢູ່ໃນຫົວວ່າອີກ 15 ປີຕໍ່ມາ ເຈົ້າໄດ້ກັບມາຫລິ້ນໃຫ້ ແມນເຊສເຕີ ຢູໄນເຕັດ ແລະ ບໍ່ແມ່ນຄວາມຝັນທີ່ເກີນຄວາມຈິງທີ່ເຈົ້ານຶກພາບຕົນເອງມາຫລິ້ນຢູ່ນີ້ ຂ້ອຍມີຄວາມສຸກທີ່ສຸດໃນຊີວິດ ຂ້ອຍບໍ່ ຢາກຖ້າແລ້ວທີ່ຈະສະແດງຜົນງານໃນສະໜາມ ແລະ ຊ່ວຍຫມູ່ຮ່ວມທີມໃຫມ່ຂອງຂ້ອຍ ຊ່ວຍ ແມນເຊສເຕີ ຢູໄນເຕັດ ຄວ້າໄຊຊະນະ ແລະ ຄວ້າແຊ໊ມມາຄອງໃຫ້ໄດ້ ’’.