ແມນຢູ ຕົກລົງສັນຍາສ່ວນຕົວກັບ ອັນໂຕນີ ແລ້ວ ກຽມຍື່ນຂໍ້ສະເໜີໃໝ່ໃຫ້ ອາແຈັກ

ແມນເຊສເຕີ ຢູໄນເຕັດ ສາມາດຕົກລົງເລື່ອງສັນຍາສ່ວນຕົວກັບ ອັນໂຕນີ ກອງໜ້າຂອງ ອາແຈັກ ອຳເຕີດຳ ມາຮ່ວມທີມແລ້ວ ພ້ອມກຽມຍື່ນຂໍ້ສະເໜີໃຫມ່ໃຫ້ກັບທີມດັງລີກຮອນແລນເພື່ອປິດການຊື້ຂາຍລາຍນີ້.

ສຳລັບ ອັນໂຕນີ ຄືເປົ້າຫມາຍຫລັກໃນການເສີມທີມໃນຕຳແໜ່ງເກມບຸກຂອງ ແມນເຊສເຕີ ຢູໄນເຕັດ ເຊິ່ງກ່ອນໜ້ານີ້ມີຂ່າວວ່າ ແມນຢູ ໄດ້ຍື່ນຂໍ້ສະເໜີໃຫ້ ອາແຈັກ ດ້ວຍຈຳນວນເງິນ 60 ແລະ 80 ລ້ານຢູໂຣຕາມລຳດັບ ແຕ່ກໍຖືກປະຕິເສດທັງຫມົດ.

ໂດຍ ອາແຈັກ ຕ້ອງການຄ່າຕົວຂອງນັກເຕະອາຍຸ 22 ປີລາຍນີ້ຢູ່ທີ່ 100 ລ້ານຢູໂຣ ຂະນະທີ່ ອັນໂຕນີ ກໍສະແດງທ່າທີມຈະແຈ້ງ ວ່າຕ້ອງການຍ້າຍໄປຫລິ້ນໃຫ້ ແມນຢູ ແຕ່ຍັງບໍ່ມີຂໍ້ສະເໜີຄັ້ງໃຫມ່ເຂົ້າມາ.

ຈົນຫລ້າສຸດ ຟາບຣີຊີໂອ ໂຣມາໂນ ນັກຂ່າວຄົນດັງລາຍງານວ່າ ແມນເຊສເຕີ ຢູໄນເຕັດ ສາມາດບັນລຸຂໍ້ຕົກລົງສ່ວນຕົວກັບ ດາວເຕະທີມຊາ່ດບຣາຊິລໄດ້ແລ້ວ ດ້ວຍສັນຍາ 5 ປີ ຂະນະທີ່ ແມນຢູ ໄດ້ແຈ້ງໃຫ້ກັບ ອັນໂຕນີ ແລ້ວວ່າ ກຽມຍື່ນຂໍ້ສະເໜີ ໃຫມ່ໃຫ້ກັບ ອາແຈັກ ເພື່ອຫວັງປິດການຊື້ເສີມທີມຢ່າງໄວທີ່ສຸດ.