ເຈົ້າໜ້າທີ່ ປກສ ນະຄອນໄກສອນ ແຂວງສະຫວັນນະເຂດ ຈັບຜູ້ຄ້າຢາເສບຕິດ 3 ຄົນພ້ອມຂອງກາງ 5.673 ເມັດ

ເຈົ້າໜ້າທີ່ ປກສ ນະຄອນໄກສອນ ແຂວງສະຫວັນນະເຂດ ກັກຕົວເປົ້າໝາຍຄ້າຂາຍ ຢາເສບຕິດ ໄດ້ 3 ຄົນ ພ້ອມຢາບ້າ 9.000 ກວ່າເມັດ; ໃນນີ້ ລົດຈັກ 3 ຄັນ,ໂທລະສັບ 5 ໜ່ວຍ ແລະ ເງິນຈໍານວນໜຶ່ງ.

ໃນວັນທີ 11 ສິງຫາ 2022 ເຈົ້າຫນ້າທີ່ໄດ້ນໍາກໍາລັງເຂົ້າຈັບຕົວ 3 ຄົນ ຄື: ໃນນີ້ ສອງຄົນຢູ່ບ້ານໂພນຊາຍ ຄື:

ທ້າວ ວິໄລສິິນ ຫຼື ຈ່ອຍ ອາຍຸ 21 ປີ ແລະ ທ້າວ ສຸກສັນ ຫຼືື ສຸກ ອາຍຸ 26 ປີ. ສ່ວນອີກ 1 ຄົນ ແມ່ນທ້າວ ສັນຕິ ຫຼື ຕິ ອາຍຸ 40 ປີ, ບ້ານອຸດົມວິໄລ ນະຄອນໄກສອນ, ພ້ອມຢາບ້າ 3 ເມັດ. ໃນເບື້ອງຕົ້ນ ທ້າວ ວິໄລສິນ ຊັດທອດວ່າໄດ້ຊື້ມາຈາກ ທ້າວ ສຸກສັນ ຈາກນັ້ນ ເຈົ້າໜ້າທີ່ຈຶ່ງໄດ້ນຳກຳລັງໄປກັກຕົວ ບ້ານໂພນສະຫວ່າງເໜືອ ແລະ ຄຸມຕົວມາກວດຄົ້ນເຮືອນພົບເຫັນຢາບ້າ 2 ມັດ, ກັບ 47 ເມັດ ຊຸກເຊື່ອງຢູ່ກ້ອງຕຽງ.

ຕໍ່ມາເຈົ້າໜ້າທີ່ໄດ້ຂະຫຍາຍຜົນມາຮອດວັນທີ 18 ສິງຫາ 2022, ຈຶ່ງໄດ້ເຂົ້າກັກຕົວ ທ້າວ ສັນຕິ ຢູ່ບ້ານອຸດົມວິິໄລ ພ້ອມຢາບ້າຈຳນວນ 32 ຖົງ, ເທົ່າກັບ 5.673 ເມັດ.
ຂ່າວ: ປກສ ແຂວງສະຫວັນນະເຂດ