10 ສັນຍານອັນຕະລາຍທີ່ບອກວ່າເຮົາເປັນພະຍາດເບົາຫວານ
ເບົາຫວານເປັນພະຍາດທີ່ບໍ່ສະແດງອາການໃນເບື້ອງຕົ້ນ, ແຕ່ກວ່າຈະຮູ້ຕົວ ກໍເຮັດໃຫ້ພະຍາດອື່ນແຊກຊ້ອນເຂົ້າມາແລ້ວ, ພະຍາດເບົາຫວານຍັງເປັນພະຍາດໜຶ່ງທີ່ເລີ່ມເຫັນຂຶ້ນມາຫລາຍໃນປັດຈຸບັນ ແລະ ເປັນພະຍາດທີ່ບໍ່ສາມາດຮັກສາໃຫ້ຫາຍຂາດໄດ້ ແລະ ມາເບິ່ງກັນວ່າທ່ານເປັນຄົນໜຶ່ງທີ່ສ່ຽງຕໍ່ການເປັນພະຍາດເບົາຫວານ ຫລື ບໍ່, ເພື່ອຈະໄດ້ຮັບການຮັກສາໃຫ້ທັນເວາລາ, ເຊິ່ງຜູ້ທີ່ເປັນເບົາຫວານຈະມີອາການດັ່ງນີ້:
- ອ່ອນເພຍງ່າຍ
- ຈ່ອຍລົງແບບບໍ່ຮູ້ສາເຫດ
- ຖ່າຍເບົາດຸຜິດປົກກະຕິ
- ຕາມົວ ການເບິ່ງເຫັນບໍ່ຊັດເຈນ
- ຄໍແຫ້ງຕະຫລອດເວລາ ດື່ມນໍ້າຫລາຍກວ່າປົກກະຕິ
- ມຶນຕີນ ມຶນມື
- ຜິວໜັງແຫ້ງ ແລະ ຄັນ
- ມີຕຸ່ມຝີຂຶ້ນຕາມຕົວຕະຫລອດ
- ປວດຂາ ປວດເຂົ່າ
- ບາດແຜແຫ້ງຊ້າ
ປັດໄຈທີ່ເຮັດໃຫ້ເປັນພະຍາດເບົາຫວານ
ຖ້າຫາກວ່າທ່ານເປັນຄົນໜຶ່ງທີ່ມີອາການດັ່ງທີ່ກ່າວໄປຂ້າງເທິງນີ້ ຕ້ອງມາພິຈາລະນາວ່າທ່ານສ່ຽງຕໍ່ການເປັນພະຍາດເບົາຫວານໄດ້ຫລາຍ ຫລື ໜ້ອຍພຽງໃດ, ພະຍາດເບົາຫວານສາມາດສືບທອດທາງກໍາມະພັນໄດ້ ແລະ ນອກຈາກສາເຫດທາງກໍາມະພັນແລ້ວ ຍັງສາມາດເກີດຂຶ້ນໄດ້ຈະພຶດຕິກໍາຂອງເຮົາໃນແຕ່ລະມື້ໄດ້ອີກດ້ວຍເຊັ່ນ: ການກິນອາຫານທີ່ມີປະລິມານນໍ້າຕານສູງ. ດັ່ງນັ້ນ, ເມື່ອງສົງໄສວ່າຕົວເອງມີຄວາມສ່ຽງວ່າຈະເປັນເບົາຫວານຄວນເຂົ້າພົບແພດໝໍໃນທັນ ແລະ ເບິ່ງແຍງຕົນເອງຕາມແພດສັ່ງຢ່າງເຄັ່ງຄັດ.
