ນາຍົກ ຟິນແລນ ຜ່ານການກວດສອບ ບໍ່ພົບສານເສບຕິດໃນຮ່າງກາຍ

ວັນທີ 22 ສິງຫາ 2022 ທີ່ຜ່ານມາ ທາງການຟິນແລນລາຍງານວ່າ: ທ່ານ ນາງ ຊານນາ ມາຣິນ ນາຍົກລັດຖະມົນຕີ ຟິນແລນ ໄດ້ຜ່ານການກວດສອບແລ້ວ ບໍ່ພົບສານເສບຕິດໃນຮ່າງກາຍ ຫລັງມີຄຣິບຫລຸດຈັດງານລ້ຽງສ້າງສັນ ຈົນນຳໄປສູ່ການຮຽກຮ້ອງຈາກຝ່າຍຄ້ານ ແລະ ຄົນຮ່ວມລັດຖະບານປະສົມ ທີ່ຮຽກຮ້ອງໃຫ້ ທ່ານ ນາງ ຊານນາ ມາຣິນ ກວດຫາສານເສບຕິດ ທາງການຟິນແລນເຜີຍວ່າ: ຜູ້ນຳດັ່ງກ່າວຜ່ານການກວດສອບຫາສານເສບຕິດ ແລະ ຍັງເປັນຜູ້ຮັບຜິດຊອບຄ່າໃຊ້ຈ່າຍໃນການກວດນີ້ເອງອີກດ້ວຍ, ເຊິ່ງເປັນການກວດຫາສານເສບຕິດໂຄເຄນ, ແອມເຟຕາມິນ, ກັນຊາ ແລະ ສານໃນກຸ່ມໂອປີອອຍ ເຖິງແມ່ນທ່ານ ນາງ ຊານນາ ມາຣິນ ຈະໄດ້ຮັບສຽງວິພາກວິຈານຫລາຍຈາກເຫດການດັ່ງກ່າວ ແຕ່ທ່ານ ນາງ ຊານນາ ມາຣິນ ກໍຍັງຢືນຢັນວ່າ: ຜູ້ນຳປະເທດກໍສາມາດໃຊ້ເວລາສ່ວນຕົວກັບໝູ່ເພື່ອນໄດ້ ແລະ ຍັງຖືວ່າ ສິ່ງນີ້ບໍ່ໄດ້ກະທົບເຖິງຄວາມສາມາດໃນການບໍລິຫານປະເທດ ແຕ່ຢ່າງໃດ ເຖິງຈະມີຄົນຈຳນວນໜຶ່ງຕັ້ງຄຳຖາມເຖິງພາບລັກທີ່ບໍ່ເໝາະສົມກໍຕາມ