ນະຄອນຫລວງວຽງຈັນ ຕ້ອງການງົບສຸກເສີນ ເພື່ອແກ້ໄຂບັນຫານໍ້າຖ້ວມຂັງ 2,7 ຕື້ກວ່າກີບ ແລະ ແກ້ໄຂຖາວອນປະມານ 16 ຕື້ກວ່າກີບ

ທ່ານ ສຸລິວັນ ພົມມະຫາໄຊ, ຫົວຫນ້າ ພະແນກ ຍທຂ ນວ ໃຫ້ສຳພາດຜ່ານວິທະຍຸກະຈາຍສຽງ ວັນທີ 22 ສິງຫາ 2022 ນີ້ວ່າ: ພະແນກ ຍທຂ ຮ່ວມກັບ ພະແນກກະສິກຳ, ພະແນກຊັບພະຍາກອນສິ່ງແວດລ້ອມ ແລະ ຄບຕ ພ້ອມບັນດາຂະແໜງການທີ່ກ່ຽວຂ້ອງຫາລື ມາດຕະການ ແກ້ໄຂບັນຫານໍ້າຖ້ວມຂັງ ໃນໄລຍະສະເພາະໜ້າ ແລະ ຖາວອນ ເພື່ອບໍ່ໃຫ້ວຽກຊໍ້າຊ້ອນກັນ.

ໜ້າວຽກຄບຕ ແມ່ນ ອະນາໄມຮ່ອງນໍ້າ, ລ້ວງຄອງ ທີ່ມີຢູ່ແລ້ວ ໂດຍສະເພາະ 4 ເມືອງໃນ ສ່ວນ ຍທຂ ແມ່ນສືບຕໍ່ກໍ່ສ້າງຮ່ອງລະບາຍນໍ້າທີ່ຍັງບໍ່ສຳເລັດ, ຮ່ອງນໍ້າຢູ່ເຂດນອກຂອງ 4 ເມືອງ.

ຄວາມຈິງແລ້ວດ້ານງົບປະມານ ເພື່ອແກ້ໄຂສະພາບນໍ້າຖ້ວມໄດ້ແບ່ງອອກເປັນ 2 ໜ້າວຽກຄື ໜ້າວຽກສຸກເສີນ ແລະ ໜ້າວຽກໄລຍະຍາວຖາວອນ ພາຍຫລັງນໍ້າລົງແລ້ວ ເຊິ່ງຄາດວ່າຈະໃຊ້ງົບປະມານທັງໝົດ 18 ຕື້ກວ່າກີບ.

ສະເພາະແຜນງົບປະມານ ຄບຕ ທີ່ຂຶ້ນເບື້ອງຕົ້ນ ບວກກັບ ແຜນຂອງແຕ່ລະເມືອງ ທີ່ຈະຕ້ອງໃຊ້ສະເພາະໜ້າແທ້ໆແມ່ນປະມານ 2,7 ຕື້ກີບ.