ຜູ້ນຳຈີນ-ຣັດເຊຍ ຈະເຂົ້າຮ່ວມ ກອງປະຊຸມສຸດຍອດຜູ້ນຳ G20 ຢູ່ອິນໂດເນເຊຍ ລະຫວ່າງ ວັນທີ 15-16 ພະຈິກ 2022 ນີ້
August 20, 2022 - 2:32 PM
ຕາມຂ່າວຈາກ ບລູມເບຣີກ (Bloomberg), ທ່ານ ໂຈໂກ ວີໂດໂດ (Joko Widodo) ປະທານາທິບໍດີ ອິນໂດເນເຊຍ ຢືນຢັນວ່າ: ທ່ານ ສີ ຈິ້ນຜິງ, ປະທານ ປະເທດຈີນ ແລະ ທ່ານ ວາລາ ດີເມຍ ປູຕິນ (Vladimir Putin)ປະທານາທິບໍດີຣັດເຊຍໄດ້ຕອບຮັບການເຂົ້າຮ່ວມກອງປະຊຸມສຸດຍອດກຸ່ມປະເທດເສດຖະກິດຂະໜາດໃຫຍ່ “G20” ຢູ່ເກາະບາຫລີ ໃນລະຫວ່າງ ວັນທີ 15-16 ພະຈິກນີ້.
ກ່ອນໜ້ານີ້ ຍັງໄດ້ເຊີນ ທ່ານ ປະທານ Volodymyr Zelensky, ຜູ້ນໍາ ຢູເຄຣນ ເຂົ້າຮ່ວມກອງປະຊຸມເຊັ່ນກັນ ເພື່ອໃຫ້ເປັນໄປຕາມຫລັກການພື້ນຖານດ້ານນະໂຍບາຍຕ່າງປະເທດຂອງລັດຖະບານອິນໂດເນເຊຍທີ່ຕ້ອງຮັກສາຈຸດຢືນຄວາມເປັນກາງເພື່ອຕ້ອງການໃຫ້ G0 ສາມັກຄີ ແລະ ບໍ່ມີຮອຍແຕກແຍກລະຫວ່າງກັນ.
