ບາເຊໂລນາ ຕັ້ງເປົ້າດຶງ ລີໂອເນລ ເມສຊີ ກັບຖິ່ນປີໜ້າ

ບາເຊໂລນາ ຕົກເປັນຂ່າວຕ້ອງການເຊັນສັນຍາ ລີໂອເນລ ເມສຊີ ກອງໜ້າ ປາຣີສ ແຊັງ ແຊັກແມັງ ກັບມາຮ່ວມທີມອີກ ຄັ້ງໃນປີໜ້າ.

ສຳລັບ ເມສຊີ ປິດສາກໄລຍະເວລາ 21 ປີ ທີ່ຫລິ້ນກັບ ບາເຊໂລນາ ຫລັງຍ້າຍໄປຢູ່ກັບ ເປສແອສເຊ ແບບບໍ່ມີຄ່າຕົວເມື່ອລະດູການ 2021 ແຕ່ແລ້ວລາວກໍຍັງບໍ່ສາມາດສະແດງຜົນງານເກ່ັງອອກມາໄດ້ດ້ວຍການເຮັດໄປ 14 ນັດ ຈາກການລົງສະໜາມ 37 ເກມ ທຸກລາຍການ.

ຈາກຜົນງານທີ່ເກີດຂຶ້ນເຮັດໃຫ້ດາວເຕະອາຍຸ 35 ປີກາຍເປັນເປົ້າໂຈມຕີຂອງແຟນໆທີມຕົວເອງ ຈົນມີຂ່າວວ່າ ລາວເລີ່ມບໍ່ມີ ຄວາມສຸກໃນການຫລິ້ນໃນແດນຝຣັ່ງ.

ໃນຂະນະດຽວກັນ ໂຈ ລາປໍຕາ ປະທານສະໂມສອນ ບາເຊໂລນາ ຄົນປັດຈຸບັນທີ່ມີຄວາມສະໜິດສະໜົມກັບ ເມສຊີ ອອກມາ ຢືນຢັນວ່າຕ້ອງການໃຫ້ນັກເຕະທີມຊາດອາເຈນຕີນາລາຍນີ້ກັບມາລົງສະໜາມໃຫ້ກັບທີມອີກຄັ້ງຫນຶ່ງ.

ຈົນຫລ້າສຸດ ສະປອດ ສື່ແດນສະເປນ ລະບຸວ່າ : ນາຍໃຫຍ່ບາເຊໂລນາ ຕ້ອງການເຈົ້າຂອງລາງວັນບັນລົງດໍ 7 ສະໄຫມ ກັບມາ ຢູ່ກັບທີມອີກເທື່ອຫນຶ່ງໃນປີໜ້າ ແຕ່ພວກເຂົາຈະບໍ່ຍື່ນຂໍ້ສະເໜີໃຫ້ກັບ ເມສຊີ ກ່ອນຈົບການແຂ່ງຂັນ ເຕະບານໂລກ 2022.

ສຳລັບ ເມສຊີ ມີສັນຍາກັບ ເປແອສເຊ ອີກ 1 ປີ ຫລື ຈົນເຖິງລະດູການ 2022-23.