ເວສແຮມ ຄວ້າ ເຄເຣີ ເສີມທີມ ຄົນທີ 6 ຢ່າງເປັນທາງການ

ເຄເຣີ ທີ່ຕິດທີມຊາດເຢຍລະມັນ ໄປແລ້ວ 20 ເກມ ເຜີຍຫລັງເຊັນສັນຍາກັບ ເວສແຮມ ແລະ ຈະໄດ້ໃສ່ເສື້ອຫມາຍເລກ 24 ວ່າ : ‘‘ ຂ້ອຍຕື່ນເຕັ້ນຫລາຍ ທີ່ເຊັນສັນຍາກັບ ເວສແຮມ ຢູໄນເຕັດ ນີ້ເປັນລີກທີ່ດີທີ່ສຸດໃນໂລກ ຂ້ອຍຕື່ນເຕັ້ນກັບການຈະໄດ້ຫລິ້ນໃນ ພຣີເມຍລີກ ’’.

‘‘  ຂ້ອຍໄດ້ລົມກັບຜູ້ຈັດການທີມ ( ເດວິດ ມອຍ ) ແລະ ລາວກໍບອກຂ້ອຍກ່ຽວກັບວ່າ ລາວເບິ່ງຕົວຂ້ອຍເຂົ້າກັບສະໂມສອນດີ ເປົ້າຫມາຍສຳຄັນທີ່ສຸດສຳລັບຂ້ອຍຄືເຂົ້າໄປຢູ່ໃນທີມ ແລະ ສະໜຸກກັບການຫລິ້ນໃຫ້ ເວສແຮມ ’’ ເຄເຣີ ກ່າວ.

ທັງນີ້ ເຄເຣີ ເປັນນັກເຕະລາຍທີ່ 6 ທີ່ ເວສແຮມ ດຶງເຂົ້າມາເສີມທີມໃນລະດູການນີ້ຕໍ່ຈາກ ນາເຢຟໍເກີດ, ອັງຟົງ ອາເຣໂອລ່າ, ຈານລູກ້າ ສະຄາມັກຄ່າ, ແມັກເວລ ກໍເນດ ແລະ ຟລນ ດາວ ສ່ວນຄົນຕໍ່ໄປຄາດວ່າຈະເປັນ ເອແມຊອນ ກອງຫລັງ ເຊລຊີ.