ສື່ດັງລາຍງານ ແມນຢູ ພິຈາລະນາຢືມຕົວ ຄຣິສຕຽນ ພູລີຊິສ ເສີມກອງໜ້າ

ແມນເຊສເຕີ ຢູໄນເຕັດ ຕົກເປັນຂ່າວພິຈາລະນາຢືມຕົວ ຄຣິສຕຽນ ພູລີຊິສ ກອງໜ້າ ເຊລຊີ ມາຮ່ວມທີມໃນໄລຍະລະດູການນີ້.

ສຳລັບ ແມນເຊສເຕີ ຢູໄນເຕັດ ຍັງບໍ່ໄດ້ເສີມກອງໜ້າຈັກຄົນເລີຍ ໃນຕະຫລາດຮອບນີ້ ທັງທີພວກເຂົາຕົກເປັນຂ່າວກັບນັກ ເຕະຫລາຍຄົນ ທັງ ເຈມີ ວາດີ ກອງໜ້າ ເລສເຕີ ຊິຕີ, ມາເທອຸສ ກຸນຢາ ແລະ ອັລບາໂຣ ໂມຣາຕາ 2 ກອງຫນ້າຈາກ ແອດເລຕີໂກ ມາດຣິດ ແລະ ແອນໂທນີ ປີກ ຂອງ ອາແຈັກ ເປັນຕົ້ນ.

ຈົນຫລ້າສຸດ The Athletic ສື່ຊັ້ນນຳລະບຸວ່າ ແມນເຊສເຕີ ຢູໄນເຕັດ ພວມພິຈາລະນາທີ່ຈະຢືມ ຄຣິສຕຽນ ພູລີຊິສ ກອງໜ້າ ເຊລຊີ ແລະ ຫົວໜ້າທີມຊາດສະຫະລັດ ອາເມລິກາ ມາເສີມເກັ່ງຮ່ວມກັບ ນິວຄາສເຊິລ ຢູໄນເຕັດ, ຢູເວນຕຸສ ແລະ ແອັດເລຕິໂກ ມາດຣິດ.

ໂດຍດາວເຕະອາຍຸ 23 ປີລາຍນີ້ບໍ່ຄ່ອຍພໍໃຈສະຖານະການຂອງຕົນເອງກັບ ເຊລຊີ ເນື່ອງຈາກລາວບໍ່ຄ່ອຍໄດ້ຮັບໂອກາດລົງສະ ໜາມຫລາຍປານໃດ ໃນຍຸກຂອງ ໂທມັສ ທູເຄິລ ເຮັດໃຫ້ມີລາຍງານເພີ່ມຕື່ມວ່າ ລາວພ້ອມຈະຮັບຟັງຂໍ້ສະເໜີໃນການ ຍ້າຍອອກຈາກທີມໃນໜ້າຮ້ອນນີ້ ແລະ ແມນຢູ ຄືືທີມທີ່ລາວຢາກໄປຮ່ວມສະໂມສອນຫລາຍທີ່ສຸດ.

ທັງນີ້ ພູລີຊິສ ຍ້າຍຈາກ ໂບຣຸສເຊຍ ດອດມຸນ ມາຢູ່ກັບ ເຊລຊີ ເມື່ອປີ 2019 ເຮັດໃຫ້ 25 ປະຕູກັບ 19 ແອສຊິສ ຈາກການ ລົງສະໜາມ 117 ນັດທຸກລາຍການ.