ແມນຊິຕີ ປະກາດຄວ້າ ເຊີຄີໂອ ໂກເມສ ເສີມຫລັງຢ່າງເປັນທາງການ

ແມນເຊສເຕີ ຊິຕີ ປະກາດຄວ້າ ເຊີຄີໂອ ໂກເມສ ກອງຫລັງດາວຮຸ່ງ ອັນເດີເລດ ມາຮ່ວມທີມຢ່າງເປັນທາງການດ້ວຍສັນຍາ 4 ປີ.

ສຳລັບແມນຊິຕີ ຕ້ອງການນັກເຕະໃນຕຳແຫນ່ງກອງຫລັງຄົນໃຫມ່ ຫລັງປ່ອຍ ໂອເລັກຊານເດີ ຊິນເຊນໂກ ໃຫ້ກັບ ອາເຊນອລ ໃນຕະຫລາດນັກເຕະລະດູການນີ້.

ແລະ ນັກເຕະທີ່ພວກເຂົາວາງເປົ້າທີ່ຈະເຊັນສັນຍານັ້ນກໍຄື ໂກເມສ ກອງຫລັງດາວຮຸ່ງອາຍຸ 21 ປີຈາກ ອັນເດີເລສ ແລະ ກ່ອນໜ້ານີ້ ມີລາຍງານວ່າ ແມນຊິຕີ ບັນລຸຂໍ້ຕົກລົງໃນການປິດບັນຊີຊື້ຂາຍນັກເຕະລາຍນີ້ໄດ້ແລ້ວ ເຫລືອພຽງການປະກາດຢ່າງເປັນ ທາງການເທົ່ານັ້ນ.

ຫລ້າສຸດ ແມນ ຊິຕີ ໄດ້ປະກາດຜ່ານເວັບໄຊ້ທາງການສະໂມສອນໃນການເຊັນສັນຍາ ໂກເມສ ມາຮ່ວມທີມດ້ວຍສັນຍາ 4 ປີ ຫລື ເຖິງປີ 2026 ຂະນະທີ່ເລື່ອງຄ່າຕົວນັ້ນ ບີບີຊີ ລະບຸວ່າຢູ່ທີ່ 11 ລ້ານປອນ ບວກເງິນສ່ວນເສີມ.

ຫລັງການເຊັນສັນຍາ ກອງຫລັງທີມຊາດສະເປນຊຸດ U-21 ໄດ້ໃຫ້ສຳພາດວ່າ : ‘‘  ການໄດ້ເປັນສ່ວນຫນຶ່ງຂອງສະໂມສອນແຫ່ງນີ້ ຄືຄວາມຝັນທີ່ເປັນຈິງ ແລະ ເປັນສິ່ງທີ່ນັກເຕະອາຍຸນ້ອຍທຸກຄົນປາຖະໜາ ’’.