ຣິນ ມາດຣິດ ອຸທອນໂທດ ໂຣນັນໂດ ບໍ່ຜ່ານ

ສະຫະພັນບານເຕະ ສະ ເປນ ປະຕິເສດຄຳອຸທອນໂທດ ຄຣິສຕຽນໂນ ໂຣນັນໂດ ດາວ ຍິງໂຕເກັ່ງຂອງ ຣິນ ມາດຣິດ ຈາກການແຂ່ງຂັນ ສະເປນ ຊຸບເປີຄັບ ນັດທຳອິດໃນວັນ ອາທິດຜ່ານມາ.
ໃນເກມນັດນັ້ນ ໂຣນັນໂດ ຖືກໃບເຫຼືອງທີສອງໃນຂໍ້ຫາ ຕັ້ງໃຈລົ້ມຈົນເປັນໃບແດງໄລ່ອອກຈາກສະໜາມ ກ່ອນຈະ ອອກອາການບໍ່ພໍໃຈໄປຍູ້ຫຼັງ ກຳມະການ ຈົນຖືກຕັດສິນໃຫ້ ຖືກລົງໂທດ 5 ນັດ.
ເຖິງວ່າ ຣິນ ມາດຣິດ ຈະ ຍື່ນອຸທອນເລື່ອງດັ່ງກ່າວທັນທີ ແຕ່ສຸດທ້າຍບໍ່ເປັນຜົນເຮັດໃຫ້ ໂຣນັນໂດ ຕິດໂທດ 5 ນັດ ຕາມເດີມ ພ້ອມກັບຖືກປັບເງິນ 3.850 ເອີໂຣ ຂະນະທີ່ ຣິນ ມາດຣິດ ຖືກປັບ 1.750 ເອີ ໂຣ.
ທັງນີ້ ໂຣນັນໂດ ຈະເລີ່ມ ຕົ້ນຕິດໂທດໃນເກມ ເອລກລາ ຊິໂກ ສະເປນ ຊຸບເປີຄັບ ພົບ ກັບ ບາເຊໂລນາ ຕໍ່ດ້ວຍການ ແຂ່ງຂັນລາລີກາ ສະເປນ ນັດ ເປີດສະໜາມ 4 ເກມທຳອິດ ກັບ ເດປໍຕິໂບ ລາກໍຣຸນຢາ, ບາ ເລນເຊຍ, ເລບັນເຕ ແລະ ເຣ ອັລ ໂຊເຊຍດັດ.