ສານມຽນມາຕັດສິນໂທດຈຳຄຸກ ນາງ ອອງ ຊານ ຊູຈີ ເພີ່ມອີກ 6 ປີ ໃນຂໍ້ຫາສໍ້ລາດບັງຫລວງ
ວັນທີ 15 ສິງຫາ 2022 ສຳນັກຂ່າວຕ່າງປະເທດລາຍງານວ່າ: ສານມຽນມາຕັດສິນຈຳຄຸກ ນາງ ອອງ ຊານ ຊູຈີ ອະດີດທີ່ປຶກສາປະເທດ ແລະ ລັດຖະມົນຕີກະຊວງການຕ່າງປະເທດມຽນມາ ເພີ່ມອີກ 6 ປີ ໃນຂໍ້ຫາກ່ຽວຂ້ອງກັບການສໍ້ລາດບັງຫລວງ ສົ່ງຜົນໃຫ້ມີໂທດຈຳຄຸກສູງເຖິງ 17 ປີ.
ກ່ອນໜ້ານີ້ິ ອອງຊານ ຊູຈີ ເຄີຍໄດ້ຮັບການຕັດສິນໂທດ 11 ປີ ຈາກຂໍ້ຫາຕ່າງໆ ເຊັ່ນ, ການທຸຈະລິດ, ຍຸຍົງປະຊາຊົນໃຫ້ຕໍ່ຕ້ານກອງທັບມຽນມາ, ລະເມີດມາດຕະການໃນຊ່ວງຮັບມືກັບສະຖານະການໂຄວິດ ແລະ ກົດໝາຍດ້ານການສື່ສານຂອງມຽນມາ.
ນາງ ອອງ ຊານ ຊູຈີ ຖືກຄວບຄວມຕົວຢູ່ພາຍໃນເຮືອນພັກນັບຕັ້ງແຕ່ກອງທັບມຽນມາຕັດສິນໃຈກໍ່ລັດຖະປະຫານຢຶດອຳນາດລັດຖະບານພົນລະເຮືອນທີ່ມາຈາກການເມືອງຕັ້ງ ໂດຍອ້າງວ່າການເລືອກຕັ້ງທຸລະຈິດ, ບໍ່ໂປ່ງໃສ ເຖິງແມ່ນວ່າໜ່ວຍງານຕ່າງໆຈາກປະຊາຄົມໂລກຈະເຂົ້າໄປກວດສອບ, ສັງເກດການ ແລະ ຢຶນຢັນວ່າ ການເລືອກຕັ້ງດັ່ງກ່າວສະທ້ອນສຽງ ແລະ ມີຈຸດມຸ່ງໝາຍທີ່ແທ້ຈິງຂອງປະຊາຊົນມຽນມາ ກ່ອນທີ່ລາວຈະຖືກຍ້າຍໄປຄວບຄຸມຕົວຢູ່ໃນເຮືອນຈຳໃນກຸງເນປີດໍ ໃນເດືອນມິຖຸນາທີ່ຜ່ານມາ.
