ຫົວໜ້າກອງບັນຊາການ ປກສ ນວ (ຜູ້ໃໝ່) ທັງໃຫ້ຄຳໝັ້ນສັນຍາ ວ່າ: ຈະສືບຕໍ່ຊີ້ນຳ-ນຳພາ ວຽກງານທີ່ໄດ້ຮັບມອບໝາຍ ໃຫ້ສຸດຄວາມສາມາດ ເນັ້ນຄຸນນະພາບ

ວັນທີ 15 ສິງຫາ 2022 ຜ່ານມານີ້ ໄດ້ມີພິທີມອບ-ຮັບໜ້າທີ່ ຫົວໜ້າກອງບັນຊາການ ປກສ ນະຄອນຫລວງວຽງຈັນ ລະຫວ່າງ ພັອ ສຸກພະຈັນ ບຸດດາຄໍາ ຫົວໜ້າກອງບັນຊາການ ປກສ ນວ (ຜູ້ເກົ່າ) ແລະ ພັອ ປອ ບົວພັນ ຟອງມະນີ ຫົວໜ້າກອງບັນຊາການ ປກສ ນວ (ຜູ້ໃໝ່)

ພັອ ປອ ບົວພັນ ຟອງມະນີ ໄດ້ກ່າວຮັບໜ້າທີ່ ເປັນຫົວໜ້າກອງບັນຊາການ ປກສ ນວ (ຜູ້ໃໝ່) ທັງໃຫ້ຄຳໝັ້ນສັນຍາ ວ່າ: ຈະສືບຕໍ່ຊີ້ນຳ-ນຳພາ ວຽກງານທີ່ໄດ້ຮັບມອບໝາຍ ໃຫ້ສຸດຄວາມສາມາດ ຈະນໍາເອົາຄວາມຮູ້, ຄວາມສາມາດ ແລະ ປະສົບການຕົວຈິງຜ່ານມາ ນໍາມາໝູນໃຊ້ເຂົ້າໃນການຊີ້ນໍາ-ນໍາພາ, ພ້ອມທັງ ຈະປັບປຸງ ແລະ ແກ້ໄຂຈຸດອ່ອນ, ຂໍ້ຄົງຄ້າງບາງດ້ານ ເພື່ອໃຫ້ບັນລຸຜົນຕາມລະດັບຄາດໝາຍ ໃຫ້ໄດ້ຮັບຜົນສໍາເລັດທາງດ້ານປະລິມານ ແລະ ຄຸນນະພາບສູງ, ສາມາດຕອບສະໜອງກັບຄວາມຮຽກຮ້ອງຕ້ອງການຂອງໜ້າທີ່ ການເມືອງໃນໄລຍະໃໝ່.