6 ເດືອນຕົ້ນປີ ດ່ານພາສີສາກົນບໍ່ເຕ່ນ ເກັບລາຍຮັບໄດ້ 290 ຕື້ກວ່າກີບ
ດ່ານພາສີສາກົນບໍ່ເຕ່ນ ແຂວງຫລວງນໍ້າທາ ໄດ້ສຸມໃສ່ຈັດຕັ້ງປະຕິບັດວຽກ ງານວິຊາສະເພາະຢ່າງຕັ້ງໜ້າ ດ້ວຍຄວາມຮັບຜິດຊອບສູງ 6 ເດືອນຕົ້ນປີ 2022 ບໍລິມາດການສົ່ງອອກສິນຄ້າຜ່ານດ່ານພາສີສາກົນບໍ່ເຕ່ນ ມີນໍ້າໜັກລວມ 748 ລ້ານກວ່າໂຕນ ມູນຄ່າ 224 ລ້ານກວ່າໂດລາສະຫະລັດ ບໍລິມາດການນໍາເຂົ້າ 325 ລ້ານກວ່າໂຕນ ມູນຄ່າ 567 ລ້ານກວ່າໂດລາສະຫະລັດ. ພ້ອມນີ້, ຍັງສາມາດຈັດເກັບລາຍຮັບໄດ້ 290 ກວ່າຕື້ກີບ ລື່ນແຜນ ການ 12,83%.
6 ເດືອນຕົ້ນປີ 2022, ບໍລິມາດການສົ່ງອອກສິນຄ້າຜ່ານດ່ານພາສີສາກົນບໍ່ເຕ່ນ ມີນໍ້າໜັກລວມ 748.097.712 ໂຕນ ມູນຄ່າ 224.226.917 ໂດລາສະຫະລັດ ບໍລິມາດການນໍາເຂົ້າ 325.177.706 ໂຕນ ມູນຄ່າ 567.618.996 ໂດລາສະຫະລັດ; ເຊິ່ງສິນຄ້າຂາອອກສ່ວນຫລາຍແມ່ນສິນຄ້າກະສິກໍາ, ເກືອກາລີ ຢາງພາລາ, ແຮ່ເຫລັກ ແລະ ອື່ນໆ; ສ່ວນສິນຄ້າຂາເຂົ້າ ມີປະເພດສິນຄ້າຜ່ານແດນສາກົນຈາກ ຈີນ ໄປ ໄທ ແລະ ຈາກ ໄທ ໄປ ຈີນ ເຊັ່ນ: ປະເພດຜັກ, ໜາກໄມ້ສົດ, ອາຫານແຊ່ແຂງ ແລະ ອື່ນໆ. ດ່ານພາສີສາກົນບໍ່ເຕ່ນ ໄດ້ນໍາໃຊ້ເຄື່ອງມືທັນສະໄໝໃນການປະຕິ ບັດວຽກງານ ເປັນຕົ້ນລະບົບ ASYCUDA ແລະ ລະບົບ SMART TAX ລະບົບ SCANNER ລະ ບົບ EASY PASS ລະບົບ Lao National SingleWindow ລະບົບເອເລກໂຕຮນິກ ບ53. ນອກນີ້, ຍັງມີລະບົບ IM. EX ແລະ ລະບົບອື່ນໆອີກ. ປີ 2022 ດ່ານພາສີສາ ກົນບໍ່ເຕ່ນ ໄດ້ຮັບຕົວເລກແຜນການປີ 515,5 ຕື້ກີບ ເພີ່ມຂຶ້ນຈາກປີຜ່ານມາ 77,79% ເທົ່າກັບ 225,55 ຕື້ກີບ.
ສະເພາະ 6 ເດືອນຕົ້ນປີ, ຕົວເລກແຜນການ 257,75 ຕື້ກີບ ໂດຍຜ່ານການປະຕິບັດຕົວຈິງໄດ້ 290,83 ຕື້ກວ່າກີບ ເທົ່າກັບ 56,42% ຂອງແຜນການປີ ລື່ນແຜນ 6 ເດືອນ 33,08 ຕື້ກວ່າກີບ ເທົ່າກັບ 12,83% ຄາດຄະເນໝົດປີ 2022 ໃຫ້ໄດ້ຕາມແຜນການ (515,5 ຕື້ກີບ). ຖ້າປະຕິບັດໄດ້ 530 ຕື້ກີບ ຈະເທົ່າກັບ 102,81% ຂອງແຜນການປີ ລື່ນແຜນການ 2,81% ເທົ່າກັບ 14,5 ຕື້ກີບ ທຽບໄລຍະດຽວກັນຂອງ 6 ເດືອນຕົ້ນປີຂອງປີຜ່ານ ມາ ເພີ່ມຂຶ້ນ 47,53% ເທົ່າກັບ 93,69 ຕື້ກວ່າກີບ ທຽບໃສ່ໄລຍະດຽວກັນແຕ່ຕົ້ນປີ 2021 ຮອດ 31 ກໍ ລະກົດ 2021 ປະຕິບັດໄດ້ 229,97 ຕື້ກວ່າກີບ ແຕ່ຕົ້ນປີ 2022 ຮອດ 31 ກໍລະກົດ 2022 ປະຕິບັດໄດ້ 353.943.301.800 ກີບ ເພີ່ມຂຶ້ນ 53,91% ເທົ່າກັບ 123,97 ຕື້ກວ່າກີບ ສໍາລັບການຈັດເກັບລາຍຮັບຈາກທາງລົດໄຟ ແຜນການ 6 ເດືອນຕົ້ນປີ 2022 ຈໍານວນ 97,75 ຕື້ກີບ ປະຕິບັດໄດ້ 34,58 ຕື້ກວ່າກີບ ເທົ່າກັບ 35,39% ຂອງແຜນການ; ສ່ວນແຜນການໝົດປີ 2022 ຈໍານວນ 195,5 ຕື້ກີບ ປະຕິບັດແຕ່ຕົ້ນປີ ຮອດ 31 ກໍລະກົດ 2022 ໄດ້ 40,5 ຕື້ກວ່າ ເທົ່າກັບ 20,72% ຂອງແຜນການປີ.
