ຊາອຸດິອາຣະເບຍ ສະເໜີຈັດ ເອຊຽນເກມ ລະດູໜາວ 2029
ປະເທດ ຊາອຸດິອາຣະເບຍ ກຽມສະເໜີຕົວເປັນເຈົ້າພາບຈັດການແຂ່ງຂັນ ເອຊຽໜເກມ ລະດູໜາວ ໃນປີ 2029 ໂດຍຄາດ ວ່າຈະບໍ່ມີຄູ່ແຂ່ງສະເໜີຕົວຊີງໄຊ.
ມະຫາອຳນາດຈາກຕາເວັນອອກກາງ ເຊິ່ງພວມບຸກໜັກດ້ານກິລາ ຫລັງເປັນນາຍທຶນໃຫຍ່ຈັດກອຟ ລິຟທົວ ຈົນສັ່ນສະເທືອນ ພີຈີເອ ທົວ ຫລ້າສຸດ ຊາອຸດິອາຣະເບຍ ປະເທດຈາກຕາເວັນອອກກາງກຽມສະເໜີຕົວເປັນເຈົ້າພາບຈັດກິລາ ເອຊຽນ ເກມ.
ໂດຍຈະຈັດຂຶ້ນທີ່ ເມືອງ ໂທຣເຈນາ ສະກີຣີສອດນຳ້ຕົກກາງແຈ້ງແຫ່ງທຳອິດໃນຄາບສະມຸດອາຣັບ ໂດຍຕັ້ງຢູ່ເທິງພູສາຣາວັດ ລວມທັງມີທະເລນ້ຳຈືດຂະໜາດໃຫຍ່ທີ່ຂຸດຂຶ້ນໃຫມ່ກາງທຸບເຂົາ.
ສຳລັບ ໂທຣເຈນາ ເປັນສ່ວນຫນຶ່ງຂອງໂຄງການ ນິມອອມ ເມືອງແຫ່ງນະວັດຕະກຳແຫ່ງໃຫມ່ຂຶງຊາອຸດິອາຣະເບຍ ທີ່ເນລະມິດ ຜັງເມືອງຄວາມຍາວ 170 ກິໂລແມັດ ລວມພື້ນທີ່ 26,500 ຕາແມັດ ໃຫ້ພື້ນທີ່ກາງທະເລຊາຍເປັນເມືອງທີ່ເຕັມໄປຕົ້ນໄມ້ຂຽນ ໂດຍທັງເມືອງຈະໃຊ້ພະລັງງານສະອາດ 100%ແລະ ຈະໃຊ້ເຕັກໂນໂລຊີ ໃຫ້ພື້ນທີ່ໃນເຂດນີ້ມີອຸນນະພູມຕຳ່ກວ່າພື້ນທີ່ອື່ນ 10 ອົງສາ ພາຍໃຕ້ງົບປະມານກວ່າ 500,000 ລ້ານໂດລາສະຫະລັດ.
ນອກຈາກນີ້ ຊາອຸດິອາຣະເບຍ ຈະເປັນເຈົ້າການແຂ່ງຂັນກິລາເອຊຽນເກມ ໃນເວີຊັນປົກກະຕິປີ 2034 ທີ່ເມືອງຣິຍາດ ເມືອງຫລວງຂອງປະເທດນຳອີກ.
