ຕຳນານ ບໍ່ເຫັນດີທີ່ ແມນຢູ ພະຍາຍາມລ່າລາຍເຊັນ ຣາບີໂອ

ລູ ມາຄາຣິ ອະດີດກາວເຕະຄົນດັງຂອງ ແມນເຊສເຕີ ຢູໄນເຕັດ ເປີດໃຈກັນກາງລາຍການຂອງ MUTV  ວ່າບໍ່ເຫັນດີກັບການທີ່ ແມນເຊສເຕີ ຢູໄນເຕັດ ໃຫ້ຄວາມສົນໃຈ ອາດຣຽງ ຣາບີໂອ ພ້ອມຍົກຕົວຢ່າງວ່າຖ້າລາວເກ່ັງແທ້ ເປັນຫຍັງບໍ່ມີທີມໃດທີ່ ພະຍາຍາມຂໍຊື້ລາວເລີຍ.

ແມນຢູ ກັບ ຣາບີໂອ ມີຂ່າວເຊື່ອມໂຍງກັນມາໂດຍຕະຫລອດໃນໄລຍະຫລາຍມື້ທີ່ຜ່ານມາ ໂດຍວ່າກັນວ່າ ແມນເຊສເຕີ ຢູໄນເຕັດ ຕົກລົງເລື່ອງຄ່າຕົວກັບ ຢູເວນຕຸສ ໄດ້ເປັນທີ່ຮຽບຮ້ອຍແລ້ວ ທີ່ຈຳນວນ 15 ລ້ານປອນ ເຊິ່ງຂັ້ນຕອນທີ່ເຫລືອກໍຄືການ ຫາຂໍ້ຕົກລົງສ່ວນຕົວກັບ ຣາບີໂອ ໃຫ້ໄດ້.

ມາຄາຣິ ກ່າວລະຫວ່າງຖືກເຊີນໄປອອກລາຍການທາງການຊ່ອງຂອງ MUTV (ໂທລະພາບຂອງສະໂມສອນ)  ວ່າ : ‘‘ ຂ້ອຍບໍ່ເຄີຍ ໄດ້ຍິນຊື່ນັກເຕະຄົນນີ້ມາກ່ອນເລີຍ ທຸກມື້ນີ້ຫລາຍສະໂມສອນໃຊ້ເງິນຫລາຍລ້ານປອນເພື່ອຕາມເບິ່ງຜົນງານ ຂອງນັກເຕະທົ່ວ ທະເວີບຢູໂຣບ ແຕ່ບໍ່ມີໃຜດຳເນີນເລື່ອງເພື່ອຂໍຊື້ລາວຈັກທີມ ເຈົ້າຄິດວ່າເປັນຫຍັງມັນຈຶ່ງເປັນແບບນັ້ນລະ ຕ້ອງບອກເລີຍວ່າ ຂ້ອຍຮູ້ສຶກບໍ່ດີກັບນັກເຕະຄົນນີ້ ’’.