ຢູຟາ ເປີດລາຍຊື່ນັກເຕະເຂົ້າຊີງລາງວັນນັກເຕະດີເດັ່ນແຫ່ງປີ

ສະຫະພັນບານເຕະຢູໂຣບ ຫລື  EUFA ເປີດເຜີຍລາຍຊື່ 3 ນັກເຕະທີ່ມີຊື່ເຂົ້າຊີງລາງວັນນັກເຕະດີເດ່ັນແຫ່ງປີ ໄດ້ແກ່ ຄາຣິມ ເບນເຊມາ, ທີໂບ ກູຕົວ ແລະ ເຄວິນ ເດິ ບຣອຍ.

ຢູຟາ ຈະມີການປະກາດລາງວັນນັກເຕະດີເດ່ັນແຫ່ງປີ ໃນວັນທີ 25 ສິງຫານີ້ ໂດຍຮອບນີ້ ມີນັກເຕະ 3 ລາຍຊື່ ທີ່ຢູ່ໃນລາຍຊື່ ທີ່ປະກອບດ້ວຍ ສອງນັກເຕະຈາກ ຣຽວ ມາດຣິດ ຄື ຄາຣິມ ເບນເຊມາ ດາວຍິງທີມຊາດຝຣັ່ງ ແລະ ທິໂບ ກູຕົວ.

ໂດຍທັງສອງຄົນ ຖືວ່າມີຜົນງານສຳຄັນຄື ການພາທີມ ຣຽວ ມາດຣິດ ຄວ້າແຊ໊ມ ຢູຟາ ແຊ໊ມປຽນ ລີກ ລະດູການ 2021-22.

ສ່ວນນັກເຕະອີກໜຶ່ງຄົນທີ່ມີຊື່ເຂົ້າຊີງລາງວັນຄື ເຄວິນ ເດິ ບຣອຍ ກອງກາງຈາກ ແມນເຊສເຕີ ຊິຕີ ທີ່ຊ່ວຍທີມຄວ້າແຊ໊ມພຣີເມຍ ລີກ ລະດູການທີ່ຜ່ານມາ.