ບຸນວັດທະນະທໍາ ທີ່ເກົ່າແກ່ແຫ່ງປີ ຂອງສີລັງກາ

ທ່ານ ສະຫວັນຄອນ ຣາຊມຸນຕີ ປະທານສະມາຄົມມິດຕະພາບ ລາວ – ສີລັງກາ, ປະທານສະມາຄົມນັກຂ່າວແຫ່ງ ສປປ ລາວ ໄດ້ໃຫ້ຮູ້ວ່າ: ປະເທດລາວ ມີມູນເຊື້ອອັນດີງາມໃນການພົວພັນ ແລະ ຮ່ວມມືກັບ ສີລັງກາ ມາເປັນເວລາຫຼາຍສີບປີ ແລະ ສີລັງກາ ກໍ່ເປັນປະເທດໜຶ່ງ ທີ່ມີອະຣິຍະທໍາ ທີ່ສວຍງາມ ແລະ ມີງານບຸນປະເພນີ ທີ່ສໍາຄັນຄ້າຍຄືປະເທດພວກເຮົາ ເປັນ ຕົ້ນ ບຸນວິສາຄະບູຊາ ຊຶ່ງເປັນວັນບຸນສໍາຄັນ ທາງພຸດທະສາສະໜາ; ບຸນອີດິຟິທຣີ ວັນບຸນສໍາຄັນທາງສາສະໜາ ອິດສະລາມ ແລະ ງານບຸນແຫ່ພຣະຂ້ຽວແກ້ວ ທີ່ເປັນງານວັດທະນະທໍາເກົ່າແກ່ ທີ່ສຸດແຫ່ງປີຂອງສີລັງກາ ທີ່ຈັດຂຶ້ນຢູ່ນະຄອນແຄນດີ້ ເອສລະ ເປ ຣະເຮຣະ/ສີ ດະລະດາເປຣະເຮຣະ ນະຄອນແຄນດີ້ທີ່ໄດ້ກັບມາຮຸ່ງເຮືອງ ແລະ ມີຊີວິດໃນທຸກໆປີ ໂດຍງານຈະຈັດຂຶ້ນ ເປັນເວ ລາ 11 ວັນ (ວັນທີ 13-23 ສິງຫາ) ພ້ອມທັງມີການສະແດງແສງສີ, ນັກເຕັ້ນລະບໍາໄຟ, ນັກກາຍະກໍາ, ນັກດົນຕີ, ນັກ ເຕັ້ນລະບໍາ ພື້ນເມືອງ, ນັກຕີກອງ ໂດຍຈະມີການແຫ່ຂະບວນກັນແບບເອກະລັກທີ່ໂດ່ດເດັ່ນ ທີ່ເຄີຍຈັດກັນມາປະມານ 1.700 ປີ ເພື່ອເປັນ ການສະເຫຼີມສະຫຼອງພຣະເຈົ້າ ແລະ ສັກກາຣະພຣະບໍຣົມສາຣິກະທາດຂອງ ອົງສົມເດັດພຣະສໍາມາສໍາພຸດທະເຈົ້າ ຊຶ່ງເປັນພິທີ ທີ່ສະທ້ອນໃຫ້ເຫັນເຖິງວັດທະນະທໍາ ທີ່ເກົ່າແກ່ ທີ່ສຸດໃນໂລກ;

ແຄນດີ້ ເອສລະ ເປຣະເຮຣະ ຫຼື ທີ່ຮູ້ກັນໃນຊື່ໜຶ່ງແມ່ນ ດະລະດາ ເປຣະເຮຣະ ຫຼື “ງານແຫ່ງພຣະທາດ ຂ້ຽວແກ້ວ” ຊຶ່ງ ເປັນງານບຸນຂອງຊາວພຸດ ທີ່ດີເລີດຂອງຊາວສີລັງກາສ່ວນໃຫຍ່ ເພື່ອຮັບພອນຈາກພຣະເຈົ້າ ແລະ ຂໍພອນໃຫ້ແກ່ປະເທດ ນໍາ ອີກ ໂດຍຈະມີການຂໍຝົນ ເພື່ອໃຫ້ສາມາດເກັບກ່ຽວພືດພັນທັນຍາຫານໄດ້ຢ່າງອຸດົມສົມບູນ ແລະ ໃນງານນີ້ຈະປະກອບ ດ້ວຍພິ ທີຕ່າງໆ ທີ່ດູດດຶງຜູ້ຊົມໃນທົ່ວໂລກໃຫ້ມາທ່ອງທ່ຽວ ຫຼື ຫັນໜ້າມາເບິ່ງຂະບວນແຫ່ຕາມທ້ອງຖະໜົນໃນເມືອງແຄນດີ້ ຢ່າງເບີກ ບານມ່ວນຊື່ນ ພາຍໃຕ້ການຮັກສາອະນາໄມ ແລະ ການປ້ອງກັນພະຍາດໂຄວິດ-19 ອີກດ້ວຍ.

ສີລັງກາ ເປັນປະເທດ ທີ່ມີປະຫວັດເກົ່າແກ່ຫຼາຍ 10 ພັນປີ ໂດຍມີການຄົ້ນພົບຫຼັກຖານຮ່ອງຮອຍ ທາງບູຮານນະ ຄະ ດີ ທີ່ມີການຕັ້ງຖິ່ນຖານຂອງມະນຸດໃນສະໄໝກ່ອນປະຫວັດສາດ ແລະ ຢູ່ຕໍ່ເນື່ອງກັນມາຈົນເທົ້າເຖິງທຸກວັນນີ້ ຊຶ່ງຈະພົບເຫັນ ຈາກຫຼັກຖານໃນຫໍພິພິທະພັນແຫ່ງຊາດ ທີ່ໂຄລົມໂບ ໂດຍແບ່ງອອກເປັນ 2 ກຸ່ມວັດທະນະທໍາ ໃນນີ້ມີ ວັດທະນະທໍາ ຣັດຕະນະ ປຸຣະ (Ratanapura Culture) ສີລັງກາ ຢູ່ໃນຍຸກກ່ອນປະຫວັດສາດ ເອີ້ນວ່າ: “ຍຸກຫິນເກົ່າ” ອາຍຸ 50.000 ເຖິງ 15.000 ປີ ມາແລ້ວ; ວັດທະນະທໍາ ພຼະລັງໂຄທາ (Balangoda Culture) ສີລັງກາ ໄດ້ສືບຕໍ່ມາຈາກວັດທະນະທໍາ ຣັດຕະນະປຸຣະ ຈັດ ແບ່ງອອກເປັນ 3 ສະໄໝ ຄື: ສະໄໝຫິນກາງ, ສະໄໝໂລຫະ; ຕໍ່ມາເຂົ້າສູ່ຍຸກສິລະປະສະໄໝປະຫວັດສາດຂອງ ສີລັງກາ ແບ່ງ ອອກເປັນ 6 ແບບ.

ປະເທດ ສີລັງກາ ມີຊື່ເປັນທາງການວ່າ: ສາທາລະນະລັດ ສັງຄົມນິຍົມ ປະຊາທິປະໄຕ ສີລັງກາ ນອນໃນເຂດອາຊີ ໃຕ້, ເປັນເກາະ ທີ່ຕັ້ງຢູ່ມະຫາສະໝຸດອິນເດຍ; ເມືອງຫຼວງຊື່ ນະຄອນໂຄລົມໂບ; ເມືອງສໍາຄັນມີແຄນດີ້ (Kandy) ເຄີຍເປັນ ເມືອງຫຼວງເກົ່າ ແລະ ເປັນສູນກາງທາງພຸດທະສາສະໜາ; ມີເນື້ອທີ່ທັງໝົດ 65.610 ຕາຕະລາງກິໂລແມັດ, ສະກຸນເງິນ ຣູປີ ສີ ລັງກາ ແລະ ມີພົນລະເມືອງ 20,29 ລ້ານຄົນ (2020), ປະຊາກອນ 70% ເຊື່ອຖືສາສະໜາ ພຸດ, ນອກນັ້ນເຊື່ອຖື ຮິນດູ, ຄຣິສ໌ ແລະ ສາສະໜາ ອິດສະລາມ.

# ຂ່າວ: ຣັດສະໝີ ດວງສັດຈະ