ທູດ ສປ ຈີນ ປະຈໍາລາວ ຖະແຫລງຂ່າວ ຕໍ່ການໄປເຂດໄຕ້ຫວັນ ຂອງທ່ານນາງ ແນນຊີ ເປໂລຊີ

ທ່ານ ຈ່ຽງ ຈ້າຍຕົ່ງ ເອກອັກຄະລັດຖະທູດແຫ່ງ ສປ ຈີນ ປະຈໍາ ສປປ ລາວໄດ້ຖະແຫລງຂ່າວກ່ຽວກັບ ການໄປເຂດໄຕ້ຫວັນ ຂອງ ທ່ານນາງ ແນນຊີ ເປໂລຊີ ວ່າ: ໃນວັນທີ 2 ສິງຫາ, ທ່ານນາງແນນຊີ ເປໂລຊີ ປະທານສະພາຕໍ່າຂອງອາເມລິກາ ໄດ້ໄປຢ້ຽມຢາມເຂດໄຕ້ຫວັນ ຂອງຈີນໂດຍບໍ່ສົນໃຈຕໍ່ການຄັດຄ້ານຢ່າງຮຸນແຮງ ແລະ ການຕໍ່ວ່າທັກທ້ວງຂອງຝ່າຍຈີນ.

ການກະທຳອັນຜິດພາດແບບນີ້ ໄດ້ລະເມີດຫລັກການປະເທດຈີນດຽວ ແລະ ຂໍ້ກຳນົດທີ່ກ່ຽວຂ້ອງໃນຖະແຫລງການຮ່ວມ 3 ສະບັບລະຫວ່າງ ຈີນ ແລະ ອາເມລິກາ, ໄດ້ກະທົບພື້ນຖານການເມືອງຂອງການພົວພັນຈີນ-ອາເມລິກາ, ໄດ້ລ່ວງລ້ຳອະທິປະໄຕ ແລະ ຜືນແຜ່ນດິນອັນຄົບຖ້ວນຂອງຈີນ, ໄດ້ທຳລາຍສັນຕິພາບ ແລະ ສະຖຽນລະພາບຂອງເຂດສອງຝັ່ງຊ່ອງແຄບໄຕ້ຫວັນ ເຊິ່ງທັງໄດ້ຝ່າຝືນກັບກະແສຟອງຂອງປະຫວັດສາດ ທັງໄດ້ຝ່າຝືນກັບຄວາມປາຖະໜາຂອງປະຊາຊົນໃນພາກພື້ນ. ຂະບວນການປະຫວັດສາດຂອງການຟື້ນຟູຄວາມຈະເລີນຮຸ່ງເຮື່ອງອັນຍິ່ງໃຫຍ່ ຂອງປະຊາຊາດຈີນ ເປັນສິ່ງທີ່ປ່ຽນແປງບໍ່ໄດ້, ທ່າອ່ຽງປະຫວັດສາດຂອງການທ້ອນໂຮມປະເທດຈີນ ໃຫ້ເປັນເອກະພາບ ເປັນສິ່ງທີ່ຂັດຂວາງບໍ່ໄດ້.

ການແບ່ງແຍກໄຕ້ຫວັນ ອອກເປັນເອກະລາດ ເປັນເລື່ອງທີ່ຮັບບໍ່ໄດ້, ໃນໂລກນີ້ມີແຕ່ປະເທດຈີນດຽວ, ໄຕ້ຫວັນເປັນພາກສ່ວນໜຶ່ງທີ່ຕັດແຍກອອກບໍ່ໄດ້ຂອງຈີນ, ທັງໝົດນີ້ເປັນເນື້ອໃນຕົ້ນຕໍຂອງຫລັກການປະເທດຈີນດຽວ, ເປັນຄວາມຮູ້ທົ່ວໄປຂອງປະຊາຄົມໂລກ ແລະ ຫລັກການພື້ນຖານໃນການພົວພັນສາກົນ. ແຕ່ໃນຊຸມປີຜ່ານມາ, ເຈົ້າໜ້າທີ່ໄຕ້ຫວັນຕ້ອງການອາໄສອາເມລິກາ ເພື່ອແບ່ງແຍກໃຫ້ເປັນເອກະລາດ, ຕັ້ງໃຈຄັດຄ້ານຄໍາເຫັນເອກະພາບປີ 1992, ພະຍາຍາມຫລຸດບໍ່ໃຫ້ຕົນເອງມີລັກສະນະທີ່ເປັນຈີນ, ຊຸກຍູ້ການແບ່ງແຍກໄຕ້ຫວັນເປັນເອກະລາດເປັນກ້າວໆ, ພ້ອມທັງໄດ້ລະເມີດ ແລະ ທໍາລາຍຫລັກການປະເທດຈີນດຽວຢ່າງຕໍ່ເນື່ອງ, ໄດ້ເພີ່ມທະວີການໄປມາຫາສູ່ກັນຂອງຝ່າຍທາງການລະ ຫວ່າງ ອາເມລິກາ ກັບໄຕ້ຫວັນ ເພື່ອສະໜັບສະໜູນການເຄື່ອນໄຫວແບ່ງແຍກໄຕ້ຫວັນເອກະລາດ.
ຝ່າຍຈີນ ຈະປະຕິບັດທຸກມາດຕະການທີ່ຈຳເປັນ ເພື່ອປົກປັກຮັກສາອະທິປະໄຕ ແລະຜືນແຜ່ນດິນອັນຄົົບຖ້ວນຂອງປະເທດຊາດຢ່າງເດັດດ່ຽວໜຽວແໜ້ນ, ປະຊາມະຕິລະເມີດບໍ່ໄດ້, ທ່າອ່ຽງປະຫວັດສາດຈະບໍ່ມີວັນປີ້ນຄືນ. ການປົກປັກຮັກສາອະທິປະໄຕ ແລະ ຜືນແຜ່ນດິນອັນຄົົບຖ້ວນຂອງປະເທດຊາດ ຢ່າງເດັດດ່ຽວໜຽວແໜ້ນ ແມ່ນນໍ້າໃຈແຂງແກ່ນຂອງປະຊາຊົນຈີນ 1,4 ຕື້ຄົນ, ການທ້ອນໂຮມປະເທດຊາດເປັນເອກະພາບຢ່າງຄົບຖ້ວນແມ່ນຄວາມມຸ່ງຫວັງລວມ ແລະ ພາລະໜ້າທີ່ສັກສິດຂອງປະຊາຊົນຈີນທຸກຖ້ວນໜ້າ ບໍ່ວ່າປະເທດໃດໆ, ອິດທິກຳລັງໃດໆ ຫລື ບຸກຄົນໃດໆ ລ້ວນແຕ່ບໍ່ສາມາດເມີນເສີຍຕໍ່ການຕັດສິນໃຈຢ່າງເຂັ້ມແຂງ ແລະ ຄວາມສາມາດທີ່ແຂງແຮງຂອງລັດຖະບານ ແລະ ປະຊາ ຊົນຈີນ ໃນການປົກປັກຮັກສາອະທິປະໄຕ ແລະ ຜືນແຜ່ນດິນອັນຄົບຖ້ວນຂອງປະເທດຊາດ, ການທ້ອນໂຮມປະເທດຊາດ ເປັນເອກະພາບ ແລະ ການຟື້ນຟູຄວາມຈະເລີນຮຸ່ງ ເຮືອງຂອງປະຊາຊາດຈີນ. ປະເທດຈີນແນ່ນອນຈະທ້ອນໂຮມເປັນເອກະພາບ ແລະ ຈຳ ເປັນຕ້ອງທ້ອນໂຮມເປັນເອກະພາບນີ້ ຈະບໍ່ປ່ຽນແປງຕາມຈິດໃຈຂອງອິດທິກຳລັງປໍລະປັກແລະ ຈະບໍ່ປ່ຽນແປງຕາມຄວາມຫວັງຮ້າຍຂອງພວກອິດທິກຳລັງແບ່ງແຍກໄຕ້ຫວັນ.

ການຢາກເອົາໄຕ້ຫວັນ ມາກີດຂວາງປະເທດຈີ ນແມ່ນບໍ່ສາມາດປາກົດເປັນຈິງ, ການກະທຳແບ່ງແຍກດິນແດນໃດໆ ແນ່ນອນຈະຖືກທຳລາຍດ້ວຍກຳລັງແຮງກ້າຂອງປະຊາຊົນຈີນ ເພື່ອທ້ອນໂຮມປະເທດຊາດເປັນເອກະພາບ ແລະ ຕໍ່ຕ້ານກັບອິດທິກຳລັງແບ່ງແຍກດິນແດນ, ຝ່າຍອິດທິກໍາລັງປໍລະປັກ ຄວນຢຸດການກະທຳຂອງຕົນທີ່ເວົ້າເລື່ອງໜຶ່ງແຕ່ເຮັດກົງກັນຂ້າມກັບເລື່ອງນັ້ນໃນບັນຫາໄຕ້ຫວັນ, ຄວນຢຸດການກະທຳທີ່ບິດເບືອນ ແລະ ຮັດແຄບຫລັກການປະເທດຈີນດຽວ, ຕ້ອງດຳເນີນການເຄື່ອນໄຫວທີ່ແທ້ຈິງເພື່ອເຊື່ອຖື ແລະ ປະຕິບັດຕາມຫລັກການປະເທດຈີນດຽວ ແລະ ຂໍ້ກຳນົດທີ່ກ່ຽວຂ້ອງໃນຖະແຫລງການຮ່ວມ 3 ສະບັບລະຫວ່າງ ຈີນ ແລະ ອາເມລິກາ ຢ່າງເຂັ້ມງວດ, ປະຕິບັດຄຳໝັ້ນສັນຍາ “ຫ້າຂໍ້” ທີ່ຜູ້ນຳອາເມລິກາໄດ້ປະກາດນັ້ນໃຫ້ເປັນຈິງ ເຊັ່ນ: ບໍ່ສະແຫວງຫາສ້າງ “ສົງຄາມເຢັນໃໝ່”, ບໍ່ສະແຫວງຫາໃຫ້ລະບົບຂອງຈີນ ເກີດມີການປ່ຽນແປງ, ບໍ່ສະແຫວງຫາຕ້ານຈີນໂດຍເພີ່ມທະວີການພົວພັນກັບພັນທະມິດ, ບໍ່ສະໜັບສະໜູນ “ໄຕ້ຫວັນໃຫ້ເປັເອກະລາດ”, ບໍ່ສ້າງຂໍ້ຂັດແຍ້ງກັບຈີນເປັນເຈຕະນາ.

ຫລັງຈາກທ່ານ ນາງ ແນນຊີ ເປໂລຊີ ປະທານສະພາຕໍ່າອາເມລິກາ ໄປຢ້ຽມຢາມເຂດໄຕ້ຫວັນ ຂອງຈີນ, ປະຊາຄົມໂລກໄດ້ສະແດງຄວາມຍຸຕິທຳ ແລະ ສະໜັບສະໜູນຝ່າຍຈີນ ປະຕິບັດທຸກມາດຕະການທີ່ຈຳເປັນ ເພື່ອຕ້ານການທ້າທາຍຂອງຝ່າຍອິດທິກໍາລັງປໍລະປັກ. ໃນຖານະເປັນປະເທດຮ່ວມອຸດົມການສັງຄົມນິຍົມ ບ້ານໃກ້ເຮືອນຄຽງທີ່ດີ ແລະ ຄູ່ຮ່ວມຊາຕາກຳຂອງຈີນ ແລະ ມີສາຍພູສາຍນ້ຳຕິດຈອດກັນກັບຈີນ, ກະຊວງການຕ່າງປະເທດລາວ ແລະ ຄະນະພົວພັນການຕ່າງປະເທດສູນກາງພັກ ປະຊາຊົນປະຕິວັດລາວ ໄດ້ອອກຖະແຫລງການໂດຍທັນທີ, ໄດ້ຢືນຢັນຄືນນະໂຍບາຍອັນສະເໝີຕົ້ນສະເໝີປາຍຂອງພັກລັດລາວ ໃນການສະໜັບສະໜູນນະໂຍບາຍຈີນດຽວ ແລະ ຖືວ່າໄຕ້ຫວັນ ເປັນສ່ວນໜຶ່ງທີ່ບໍ່ສາມາດຕັດແຍກອອກຈາກກັນໄດ້ຂອງຜືນແຜ່ນດິນ ສປ ຈີນ, ເດັດຂາດສະໜັບສະໜູນນະໂຍບາຍຂອງ ສປ ຈີນ ໃນການທ້ອນໂຮມປະເທດຊາດໂດຍສັນຕິວິທີ, ຄັດຄ້ານທຸກການກະທໍາ ທີ່ມຸ່ງຫວັງສ້າງສະຖານະການເພື່ອສ້າງ “ສອງປະເທດຈີນ” ຫລື “ໜຶ່ງຈີນ, ໜຶ່ງໄຕ້ຫວັນ”, ພວກຂ້າພະເຈົ້າຂໍສະແດງຄວາມຍ້ອງຍໍຊົມເຊີຍ. ຝ່າຍຈີນຖະນຸຖະໜອມການພົວພັນມິດຕະພາບຈີນ-ລາວ, ຖືການພັດທະນາສາຍພົວພັນຈີນ-ລາວ ເປັນສິ່ງສຳຄັນ, ຍິນດີຮ່ວມກັບປະເທດລາວ ຊຸກຍູ້ຄວາມໄວ້ເນື້ອເຊື່ອໃຈກັນໃນດ້ານຍຸດທະສາດເຂົ້າສູ່ລວງເລິກອີກກ້າວໜຶ່ງ, ເພີ່ມທະວີການຮ່ວມມືທີ່ຕ່າງຝ່າຍຕ່າງມີຜົນປະໂຫຍດ, ສືບຕໍ່ຊຸກຍູ້ການພົວພັນສອງປະເທດຂຶ້ນສູ່ລະດັບໃໝ່ຢ່າງບໍ່ຢຸດຢັ້ງ ບົນພື້ນຖານຫລັກການປະເທດຈີນດຽວ, ຮ່ວມກັນປົກປັກຮັກສາອະທິປະໄຕ ຄວາມໜັ້ນຄົງ ແລະ ຜົນປະໂຫຍດການພັດທະນາຂອງສອງຝ່າຍ, ຮ່ວມກັນປະກອບສ່ວນເຂົ້າໃນສັນຕິພາບ ແລະ ສະຖຽນລະພາບຂອງພາກພື້ນ.
ໂດຍ: ສະຖານທູດຈີນ ປະຈຳລາວ