ມອບ ລົດຈັກ ໃຫ້ແກ່ສູນພັດທະນາສີມືແຮງງານ ແລະ ໂຮງຮຽນເຕັກນິກ-ວິຊາຊີບ ເພື່ອນຳໃຊ້ເຂົ້າໃນການຮຽນ-ການສອນ ພາກປະຕິບັດໂຕຈິງ

ວັນທີ 8 ສິງຫາ 2022 ຜ່ານມາ, ທີ່ພະແນການເງິນ ແຂວງອຸດົມໄຊ ໄດ້ຈັດພິທີມອບ ລົດຈັກ ໃຫ້ແກ່ສູນພັດທະນາສີມືແຮງງານ ແລະ ໂຮງຮຽນເຕັກນິກ-ວິຊາຊີບແບບປະສົມ ແຂວງອຸດົມໄຊ ຕາງໜ້າມອບໂດຍທ່ານນາງ ທອງດຳ ອະໄພຍະລາດ ຮອງຫົວໜ້າພະແນກການເງິນ ແຂວງອຸດົມໄຊ ຮັບໂດຍ ຄະນະພັກ ຄະນະອຳນວຍການສູນພັດທະນາສີມືແຮງງານ ແລະ ໂຮງຮຽນເຕັກນິກ-ວິຊາຊີບແບບປະສົມ ແຂວງອຸດົມໄຊ.

ລົດຈັກ ທີ່ນຳມາມອບໃນຄັ້ງນີ້ ແມ່ນພາຫະນະ ທີ່ສານຕັດສິນຮິບເປັນຂອງລັດ ເປັນພາຫະນະ ໝົດອາຍຸການໃຊ້ງານ ແລະ ເຊື່ອມຄຸນນະພາບ ທີ່ບໍ່ສາມາດນຳໃຊ້ໄດ້ແລ້ວ ຈຳນວນ 21 ຄັນ ມອບໃຫ້ແກ່ສູນພັດທະນາສີມືແຮງງານ ແລະ ໂຮງຮຽນເຕັກນິກ-ວິຊາຊີບແບບປະສົມ ແຂວງອຸດົມໄຊ ເພື່ອນຳໃຊ້ເຂົ້າໃນການຮຽນ-ການສອນ ໃນພາປະຕິບັດຕົວຈິງຂອງນັກຮຽນ ແລະ ຫ້າມເອົາໄປໃຊ້ເຂົ້າໃນຈຸດປະສົງອື່ນຢ່າງເດັດຂາດ.