ອັນເຊລັອດຕິ ໝັ້ນໃຈ ເບນເຊມາ ຕ້ອງໄດ້ ບັລລົງດໍ

ຄາໂລ ອັນເຊລັອດຕິ ຜູ້ຈັດການທີມ ຣຽວ ມາດຣິດ ໝັ້ນໃຈລາງວັນບັນລົງດໍປີນີ້ ຈະເປັນຂອງໃຜໄປບໍ່ໄດ້ນອກຈາກ ຄາຣິມ ເບນເຊມາ ດາວຍິງຕົວເກ່ັງຂອງທີມຊາດຝຣັ່ງ ທີ່ຫາກໍຍິງອີກ 1 ປະຕູພາທີມຊະນ ໄອທຣັກ ແຟຣັງເຟີດ 2-0 ຄວ້າແຊ໊ມ ຢູຟາ ຊຸບເປີ ຄັພ ໄປຄອງເມື່ອວັນພຸດທີ່ຜ່ານມາ.

ຄາໂລ ອັນເຊລັອດຕິ ຜູ້ຈັດການທີມ ຣຽວ ມາດຣິດ ທີມໃຫຍ່ແຫ່ງ ລາ ລີກາ ສະເປນ ອອກມາລະບຸວ່າ ຄາຣິມ ເບນເຊມາ ດາວຍິງຕົວເກ່ັງຂອງທີມສົມຄວນໄດ້ຮັບລາງວັນບັນລົງດໍຂອງປີນີ້ຢ່າງບໍ່ຕ້ອງສົງໄສ ຫລັງດາວຍິງທີມຊາດຝຣັ່ງ ສະແດງ ຜົນງານເດ່ັນຢ່າງຕໍ່ເນື່ອງ ຫລ້າສຸດຫາກໍຍິງເພີ່ມອີກ 1 ປະຕູ ຊ່ວຍ ຣຽວ ມາດຣິດ ເອົຊະນະ ໄອທຣັກ ແຟຣັງເຟີ 2-0 ຄວ້າແຊ໊ມຢູຟາ ຊຸບເປີ ຄັພ ມາຄອງເປັນສະໄຫມທີ 5 ໃນເກມທີ່ໂອລິມເປຍສະຕາດີໂອນ ໃນນະຄອນຫລວງເຮລຊິງກີ ປະເທດຟິນແລນ ເມື່ອວັນພຸດທີ່ຜ່ານມາ.

ອັນເຊລັອດຕິ ກ່າວວ່າ : ‘‘ ລາວເປັນນັກເຕະທີ່ມີຄວາມສຳຄັນກັບເຮົາຫລາຍໆ ເປັນຜູ້ນຳຂອງທີມ ສັກກະຍະພາບຂອງທີມເຮັດໃຫ້ ເຮົາມາຫລິ້ນໃນຂັນນີ້ ແລະ ລາວກໍມີສ່ວນສຳຄັນໃນການພາເຮົາມາເຖິງຈຸດນີ້ ລາວຍິງປະຕູໄດ້ຫລວງຫລາຍ ປິດສາກລະດູການທີ່ ຜ່ານມາໄດ້ຢ່າງດີເດ່ັນ ແລະ ລາວກໍເລີ່ມຕົ້ນລະດູການນີ້ໄດ້ຢ່າງສຸດຍອດເຊ່ັນດຽວກັນ ຂ້ອຍເຊື່ອວ່າຄົງບໍ່ໃຜສົງໄສວ່າ ລາງວັນບັລລົງ ດໍປີນີ້ຄວນເປັນຂອງລາວ ມັນບໍ່ມີຂໍ້ໂຕ້ແຍ່ງໃດໆເລີຍ ແຕ່ໃນວົງການບານເຕະ ອັນໃດມັນກໍເກີດຂຶ້ນໄດ້ ’’.