2 ຄູ່ ຜັກ-ໝາກໄມ້ທີ່ບໍ່ຄວນກິນຄູ່ກັນ ບໍ່ດີຕໍ່ລະບົບອາຫານ ກິນແຍກດີກ່ວາກິນຄູ່ກັນ.

ຖ້າຈະເວົ້າເຖິງຜັກ-ໝາກໄມ້ທີ່ບໍ່ຄວນກິນຄູ່ກັນ ຄວາມຈິງແລ້ວທັງຜັກ ແລະ ໝາກໄມ້ ບໍ່ວ່າຈະຊະນິດໃດກໍບໍ່ຄວນເອົາມາກິນນຳກັນ ເຊິ່ງຫລາຍໆທ່ານມັກຈະເອົາຜັກ ແລະ ໝາກໄມ້ມາປະສົມກັນເຮັດເປັນຍຳ ເຖິງວ່າລົດຊາດຈະແຊບປານໃດ ແຕ່ລາຍການອາຫານປະເພດນີ້ອາດຈະບໍ່ດີຕໍ່ລະບົບອາຫານຂອງທ່ານໄດ້ ນັ້ນກໍເປັນຍ້ອນວ່າຜັກ ແລະ ໝາກໄມ້ຈະຍ່ອຍຕ່າງກັນ ໂດຍໝາກໄມ້ຈະຖືກຍ່ອຍໄດ້ໄວກ່ວາ ແລະ ຈະຖືກຍ່ອຍໄປແລ້ວບາງພາກສ່ວນກ່ວາຈະເຖິງກະເພາະອາຫານ ແລະ ລຳໄສ້ ທັງນີ້ໝາກໄມ້ຍັງມີປະລິມານນຳ້ຕານທີ່ຫລາຍກ່ວາ ອາດເຮັດໃຫ້ຂັດຂວາງຂະບວນການຍ່ອຍຂອງຜັກໄດ້. ດັ່ງນັ້ນ, ການກິນຜັກ ແລະ ໝາກໄມ້ຄູ່ກັນ ຈຶ່ງບໍ່ແນະນຳນັ້ນເອງ ໂດຍສະເພາະໂຕຢ່າງຜັກໝາກໄມ້ 4 ຊະນິດນີ້ທີ່ເອີ້ນໄດ້ວ່າ ຫ້າມເອົາມາຈັບຄູ່ກິນພ້ອມກັນ.

1. ໝາກກ້ຽງ ກັບ ຫົວກະຫລົດ : ເຖິງວ່າພືດທັງ 2 ຊະນິດຈະອຸດົມໄປດ້ວຍຄຸນປະໂຫຍດຫລວງຫລາຍ ແຕ່ຫາກເອົາມາກິນຄູ່ກັນແລ້ວ ຈະໃຫ້ໂທດໄດ້ຫລາຍກ່ວາ ຈຶ່ງບໍ່ຄວນເອົາມາກິນນຳກັນເປັນຢ່າງຍິ່ງ ເພາະຖ້າຫາກທ່ານກິນໝາກກ້ຽງ ແລະ ຫົວກະຫລົດພ້ອມກັນ ກໍອາດຈະສົ່ງຜົນໃຫ້ເກີດອາການແໜ້ນທ້ອງ, ຈຸກທ້ອງ ແລະ ກົດໄຫລຍ້ອນຫລາຍເກີນໄປໄດ້ ລວມເຖິງຍັງບໍ່ດີຕໍ່ໝາກໄຂ່ຫລັງນຳອີກ.
2. ໝາກຫຸ່ງ ກັບ ໝາກນາວ : ກໍເປັນອີກ 1 ຄູ່ຜັກ ແລະ ໝາກໄມ້ທີ່ບໍ່ຄວນກິນຄູ່ກັນ ເຊິ່ງທັງໝາກຫຸ່ງ ແລະ ໝາກນາວ ລ້ວນແຕ່ມີສານອາຫານທີ່ດີຕໍ່ຮ່າງກາຍ ແຕ່ແນະນຳໃຫ້ກິນດ່ຽວໆ ຈະດີກ່ວາການເອົາມາກິນຄູ່ກັນ ເພາະຖ້າກິນຄູ່ກັນແລ້ວກໍອາດຈະສົ່ງຜົນຮ້າຍຫລາຍກ່ວາຜົນດີໄດ້ ໂດຍຫາກທ່ານກິນໝາກຫຸ່ງຮ່ວມກັບໝາກນາວແລ້ວ ອາດຈະສົ່ງຜົນໃຫ້ເກີດອາການເລືອດຈາງ ລວມເຖິງຄວາມບໍ່ດຸ່ນດ່ຽງຂອງຮີໂມໂກລບິນ. ນອກຈາກນີ້, ຜັກ ແລະ ໝາກໄມ້ຄູ່ນີ້ຍັງອາດເປັນອັນຕະລາຍຕໍ່ເດັກນ້ອຍນຳອີກ.