ຫ້ອງວ່າການແຂວງບໍ່ແກ້ວ ອອກແຈ້ງການເຖິງຜູ້ຕ້ອງການເຮັດວຽກ ຫຼື ຮຽນຕໍ່ ຕ້ອງມີໃບຢັ້ງຢືນປອດຢາເສບຕິດ

ວັນທີ 11 ສິງຫາ 2022, ຫ້ອງວ່າການ ແຂວງບໍ່ແກ້ວ ໄດ້ອອກແຈ້ງການເຖິງທຸກພາກສ່ວນພາຍໃນແຂວງ ກ່ຽວກັບການປະກອບເອກະສານຂອງພະນັກງານລັດຖະກອນ, ນັກຮຽນ-ນັກສຶກສາ ທີ່ຈະເຂົ້າເຮັດວຽກ ຫຼື ໄປຮຽນວິຊາສະເພາະຢູ່ພາຍໃນ ແລະ ຕ່າງປະເທດ ຕ້ອງໄດ້ມີໃບຢັ້ງຢືນປອດສານເສບຕິດ.

ເພື່ອປະຕິບັດຕາມແຜນການຈັດຕັ້ງປະຕິບັດວາລະແຫ່ງຊາດ ວ່າດ້ວຍ ການແກ້ໄຂບັນຫາຢາເສບຕິດ ເຮັດໃຫ້ອົງການຈັດຕັ້ງພາກລັດ, ກຳລັງ ປກຊ-ປກສ, ສະຖາບັນການສຶກ ພາຍໃນແຂວງບໍ່ແກ້ວ ປອດສິ່ງເສບຕິດ ແລະ ເຮັດໃຫ້ບັນຫາຢາເສບຕິດຫຼຸດໜ້ອຍຖອຍລົງຈົນໝົດໄປຈາກສັງຄົມ.

ຫ້ອງວ່າການແຂວງບໍ່ແກ້ວ ຈິ່ງແຈ້ງມາຍັງບັນດາທ່ານເພື່ອຊາບ ກ່ຽວກັບການຮັບເອົາບຸກຄະລາກອນເຂົ້າເຮັດວຽກ ແລະ ຜູ້ທີ່ຈະປະກອບເອ ກະສານເຂົ້າເຮັດວຽກ ຫຼື ໄປຮຽນຕໍ່ວິຊາສະເພາະຢູ່ພາຍໃນ ແລະ ຕ່າງປະເທດ ຕ້ອງໄດ້ຜ່ານການກວດກາສານເສບຕິດ ເພື່ອອອກໃບຢັ້ງຢືນປອດສານເສບຕິດ ຈາກພະແນກກວດກາ ແລະ ຄວບຄຸມຢາເສບຕິດ ປກສ ແຂວງບໍ່ແກ້ວ.

ການອອກແຈ້ງການດັ່ງກ່າວເປັນມາດຕະການໜຶ່ງທີ່ຊ່ວຍໃນການຄວບຄຸມການແຜ່ລະບາດຂອງຢາເສບຕິດ ແລະ ເປັນການປະກອບສ່ວນສຳຄັນໃນການຈັດຕັ້ງຜັນຂະຫຍາຍວາລະແຫ່ງຊາດແກ້ໄຂບັນຫາຢາເສບຕິດ ໃຫ້ບັນລຸຕາມຄາດໝາຍທີ່ວາງໄວ.