ຣຽວ ມາດຣິດ ນາຍໃຫຍ່ແຫ່ງເອີຣົບ! ໄລ່ຕ້ອນເອົາຊະນະ ແຟຣງເຟີດ 2-0 ຄວ້າຊຸບເປີຄັບ ສະໄໝທີ 5

ການແຂ່ງຂັນເຕະບານ UEFA Super Cup ແມ່ນການແຂ່ງຂັນລະຫວ່າງສອງແຊ້ມເອີຣົບ. ປີນີ້ແຂ່ງຂັນຢູ່ທີ່ສະຫນາມກິລາໂອລິມປິກ, ເຮວຊິງກິ ປະເທດຟິນແລນ. ໂດຍປີນີ້ເປັນການປະທະກັນລະຫວ່າງ ຣຽວ ມາດຣິດ ແຊ້ມເອີຣົບ, ຢູຟາ ແຊ້ມປ້ຽນລີກ ແລະ ອີນທຣິກ ແຟຣງເຟີດ, ແຊ້ມນ້ອຍ ຢູຟາ ຢູໂຣປາລີກ.

ປະກົດວ່າໃນເກມນີ້ “ລາຊາຊຸດຂາວ” ຫລີ້ນໄດ້ດີເກີນຄາດ. ກ່ອນຈະມາໄດ້ປະຕູໃນນາທີ 37 ຈັງຫວະ ຄາເຊມີໂຣ ສອດໄປໂໝ່ງຊົງໃຫ້ ດາວິດ ອາລາບາ ຍິງເຂົ້າຈໍໆ 1-0, ຂະນະທີ່ເຄິ່ງເວລາສອງ ນາທີ 64 ມາດິດ ມາເພີ່ມອີກຈາກ ວິນນິຊີອຸສ ຈູເນຍ ຕົບເຂົ້າຂວາໃຫ້ ຄາຣິມ ເບນເຊມາ ຍິງປະຕູ 2-0

ແລະ ນັ້ນກໍ່ແມ່ນປະຕູໄຊທີ່ເຮັດໃຫ້ ຣຽວ ມາດຣິດ ຂອງ ອັນເຊລັອດຕິ ຄວ້າແຊ້ມ UEFA Super Cup ເປັນຄັ້ງທີ 5 ຕໍ່ຈາກປີ 2002, 2014, 2016, 2017 ແລະ ເປັນລາງວັນທໍາອິດຂອງພວກເຂົາໃນລະດູການໃຫມ່ 2022/23, ປູກໃຈກ່ອນລຸຍສຶກ La Liga ສະເປນ ເກມທໍາອິດກັບ ອາເມເຣຍ ໃນວັນທີ 14 ສິງຫາ 2022.