ບານໂລກ 2022 ກຽມປັບມື້ເປີດສະໜາມໃຫ້ໄວຂຶ້ນ ລໍຖ້າ ຟີຟາ ອະນຸມັດ
ການແຂ່ງຂັນເຕະບານໂລກ 2022 ກຽມເລື່ອນການແຂ່ງຂັນໃນຄູ່ເປີດສະໜາມໄວຂຶ້ນ 1 ມື້ ເພື່ອໃຫ້ເຈົ້າພາບ ກາຕາ ໄດ້ລົງຫລິ້ນເປັນຄູ່ທຳອິດຂອງລາຍການ.
ສຳລັບ ເຕະບານໂລກ 2022 ຈະແຂ່ງຂັນກັນລະຫວ່າງວັນທີ 21 ພະຈິກ – 18 ທັນວາ 2022 ທີ່ປະເທດກາຕາ ເຊິ່ງຕາຕະລາງນັດ ທຳອິດນັ້ນຈະເປັນເຈົ້າພາບພົບກັນໃນກຸ່ມ A ລະຫວ່າງ ເຊເນກັລ ກັບ ເນເທີແລນ ແລະ ກາຕາ ກັບ ເອກວາດໍ.
ແນວໃດກໍຕາມ ກາຕາ ເຈົ້າພາບຕ້ອງການເລື່ອນຄິວເຕະຄູ່ເປີດສະໜາມໃຫ້ໄວຂຶ້ນຈາກເກ່ົາ 1 ມື້ ຫລື ວັນທີ 20 ພະຈິກ ເພື່ອໃຫ້ພວກເຂົາໄດ້ລົງສະໜາມກັບ ເອກວາດໍ ເປັນນັດທຳອິດຂອງ ບານໂລກ ເທື່ອນີ້.
ແຕ່ການຕັດສິນໃຈເລື່ອນຕາຕະລາງດັ່ງກ່າວຕ້ອງໄດ້ຮັບການອະນຸມັດຈາກສະພາຟີຟາ ເຊິ່ງນຳໂດຍ ຈານນີ ອິນຟານຕີໂນ ປະທານຄົນປັດຈຸບັນ ລວມເຖິງປະທານສະມາຄົມບານເຕະຂອງທັງ 6 ທະວີບ.
The Athletic ສື່ຊັ້ນນຳໄດ້ລະບຸວ່າ : ຂໍ້ຮຽກຮ້ອງດັ່ງກ່າວນັ້ນບໍ່ໜ້າຈະມີບັນຫາແຕ່ຢ່າງໃດ ແລະ ບານໂລກຄັ້ງນີ້ຈະປ່ຽນວັນແຂ່ງ ຂັນມາເປັນ 20 ພະຈິກ – 18 ທັນວາ ແທນ.
ປະເທດທີ່ເປັນເຈົ້າພາບເຕະບານໂລກໄດ້ລົງຫລິ້ນເປັນຄູ່ເປີດສະໜາມມາຕະຫລອດຕັ້ງແຕ່ປີ 2006 ຫລງັຈາກກ່ອນໜ້ານັ້ນ ຈະເປັນທີມແຊ໊ມເກ່ົາເຊິ່ງປະເດີມສະໜາມເປັນຄູ່ທຳອິດ ແຕ່ຕັ້ງແຕ່ປີດັ່ງກ່າວແຊ໊ມເກ່ົາຕ້ອງລົງແຂ່ງຮອບຄັດເລືອກ ຈຶ່ງບໍ່ໄດ້ສິດເຂົ້າຮອບອັດຕະໂນມັດ ແລະ ເຮັດໃຫ້ເຈົ້າພາບຖືກເລື່ອນໃຫ້ເຕະກ່ອນ.
