ເຊເລນາ ວິນລຽມ ຍອດນັກເທນນິສຍິງ ໄວ 40 ປີ ປະກາດວາງມື ຫລັງຈາກຈົບ ຢູເອສ ໂອເພນ
ວົງການເທນນິສຍິງຂອງໂລກກຳລັງຈະເສຍນັກແຂ່ງລະດັບຕຳນານອີກຄົນໜຶ່ງ ຫລັງຈາກທີ່ ເຊເຣນາ ວິນລຽມ ຍອດນັກຕີຊາວອາເມຣິກາ ປະກາດວ່າ ນາງຈະຫັນຫລັງໃຫ້ກັບການແຂ່ງຂັນ ຫລັງຈາກການແຂ່ງຂັນ ແກຣນສະແລັມ ສຸດທ້າຍຂອງປີ, US Open
ເຊເຣນາ ມີປັນຫາການບາດເຈັບ ແຮມສະຕຣິງ ຊີກ ໃນລາຍການ ວິມເບີດັ້ນ ໃນເດືອນມິຖຸນາ 2021, ນັ້ນຕ້ອງເຮັດໃຫ້ເຂົາພັກຍາວນັບຕັ້ງແຕ່ນັ້ນມາ. ກ່ອນທີ່ຈະກັບມາແຂ່ງຂັນໃນປະເພດດ່ຽວທໍາອິດຂອງປີນີ້ ໃນລາຍການ ວິມເບີດັ້ນ ເດືອນກໍລະກົດທີ່ຜ່ານມາ ແລະເສຍຄູ່ແຂ່ງ ຕົກຮອບທຳອິດໄປ
ວິນລຽມ ຜູ້ເປັນນ້ອງ ຢູ່ລະຫວ່າງແຂ່ງລາຍການ ນາຊັນ ແບັງໂອເພນ ແລະ ສາມາດຜ່ານເຂົ້າຮອບສອງໄດ້ແລ້ວ ຫລັງຈາກເອົາຊະນະ ນູເຣຍ ປາຣິຊິສ-ດິອາ ໃນ 2 ເຊັດຕໍ່ກັນ 6-3 ແລະ 6-4, ໄດ້ໄຊຊະນະຄັ້ງທຳອິດໃນຮອບກວ່າ 1 ປີ ນັບແຕ່ການແຂ່ງຂັນ Grand Slam French Open ປີ 2021.
ລ່າສຸດ, ເຊເຣນາ ວິນລຽມ ເຮັດໃຫ້ແຟນເທນນິສທົ່ວໂລກຕົກໃຈ. ຫລັງຈາກທີ່ນາງຢືນຢັນວ່ານາງຈະຢຸດການຫລິ້ນແລ້ວ. ໂດຍຈະແຂ່ງຂັນໃນລາຍການ US Open ທີ່ຈະຈັດຂຶ້ນລະຫວ່າງວັນທີ 28 ສິງຫາ – 11 ກັນຍາ ເປັນລາຍການສຸດທ້າຍ.
