ສີລັງກາເຜີຍຈຳນວນຍານພາຫະນະ ຮ່ວມຂໍໂກຕ້າເຊື້ອໄຟ ສູງເກີນ 5,5 ລ້ານຄັນ
ວັນທີ 8 ສິງຫາ 2022, ສຳນັກຂ່າວຊິນຮົວລາຍງານວ່າ: ທ່ານ ການຈະນາ ວິເຈເສເກຣາ ລັດຖະມົນຕີວ່າການກະຊວງພະລັງງານຂອງສີລັງກາ ເຜີຍຈຳນວນຍານພາຫະນະຂຶ້ນທະບຽນໃນລະບົບລະຫັດຄິວອາຣ໌ສຳລັບການຈ່າຍເຊື້ອໄຟລະດັບປະເທດສູງກວ່າ 5,5 ລ້ານຄັນ.
ທ່ານ ວິເຈເສເກຣາ ລະບຸວ່າ: ປັດຈຸບັນສະຖານີບໍລິການເຊື້ອໄຟທົ່ວສີລັງກາທັງໝົດ 1.246 ແຫ່ງ ໄດ້ໃຊ້ລະບົບລະຫັດຄິວອາຣ໌ດັ່ງກ່າວ ແລະ ມີການເຮັດທຸລະກຳແລ້ວ 4,3 ລ້ານລາຍການ.
ສ່ວນລົດໂດຍສານປະຈຳທາງທີ່ໃຫ້ບໍລິການຂົນສົ່ງສາທາລະນະສາມາດເຕີມເຊື້ອໄຟເພີ່ມຕື່ມນອກເໜືອຈາກໂກຕ້າມາດຕະຖານຈາກສະຖານີຂົນສົ່ງທີ່ລັດເປັນເຈົ້າຂອງ 107 ແຫ່ງ.
ທັງນີ້, ສະຖານີບໍລິການເຊື້ອໄຟຂອງສີລັງກາຮັບສະເພາະລະບົບລະຫັດຄິວອາຣ໌ສຳລັບການຈ່າຍເຊື້ອໄຟລະດັບປະເທດ ນັບແຕ່ວັນທີ 1 ສິງຫາ ທ່າມກາງສະພາບຂາດເຂີນເຊື້ອໄຟຢ່າງຮຸນແຮງ.
ສີລັງກາໄດ້ແຕ່ງຕັ້ງຄະນະກຳມະການໃນອາທິດກ່ອນ ເພື່ອຄັດເລືອກບໍລິສັດທີ່ເໝາະສົມມານຳເຂົ້າ, ແຈກຢາຍ ແລະ ຈຳໜ່າຍຜະລິດຕະພັນປິໂຕຣລຽມໃນປະເທດ.
