ທູເຄິລ ຊີ້ແຈງຂໍ້ຂ້ອງໃຈ ສາເຫດນັກເຕະປະຕິເສດໃສ່ເສື້ອເບີ 9
ຄວາມເຄື່ອນໄຫວຂອງທີມເຊລຊີ ກ່ອນລຸຍພຣີເມຍລີກ ອັງກິດ ນັດທຳອິດຂອງລະດູການ 2022-23 ດ້ວຍການບຸກໄປຢາມ ເອຟເວີຕັນ ວັນເສົາທີ 6 ສິງຫານີ້ ໂດຍເຊລຊີ ໄດ້ເຮັດການລົງທະບຽນນັກເຕະໃຫມ່ຮຽບຮ້ອຍແລ້ວ ແຕ່ກໍບໍ່ມີໃຜເລືອກ ສວມເສື້ອຫມາຍເລກ 9 ທີ່ຖືກກ່າວຂານວ່າ ‘‘ ເບີແຫ່ງອາຖັນ ’’ ໃນລະດູການນີ້ ແທນ ໂຣເມລູ ລູກາກູ ທີ່ຍ້າຍໄປຫລິ້ນກັບ ອິນເຕີ ມິລານ ດ້ວຍສັນຍາຢືມຕົວ.
ຫລ້າສຸດ ໂທມັສ ທູເຄິລ ຜູ້ຈັດການທີມເຊລຊີ ອອກມາເປີດເຜີຍກ່ຽວກັບເລື່ອງລາວດັ່ງກ່າວວ່າ : ‘‘ ມັນເປັນເບີຕ້ອງສາບ ຫລາຍຄົນຕ່າງກໍບອກຂ້ອຍວ່າມັນເປັນເບີຕ້ອງຄຳສາບ ມັນບໍ່ແມ່ນວ່າເຮົາປ່ອຍຫວ່າງໄວ້ດ້ວຍເຫດຜົນດ້ານແທັກຕິກ ຫລືປ່ອຍຫວ່າງໄວ້ເຜື່ອໃຫ້ບາງຄົນທີ່ອາດຈະຍ້ຍາຍເຂົ້າມາ ແຕ່ບໍ່ມີໃຜຕ້ອງການໃສ່ຫມາຍເລກ 9 ຕ່າງຫາກ ມີບາງຄັ້ງ ເວລານັກເຕະຢາກປ່ຽນຫມາຍເລກ ແຕ່ໜ້າປະຫລາດໃຈທີ່ບໍ່ມີໃຜຢາກແຕະຕ້ອງມັນເລີຍ ທຸກຄົນທີ່ຢູ່ໃນສະໂມສອນ ດົນກວ່າຂ້ອຍບອກຂ້ອຍວ່າ ເຈົ້າຮູ້ບໍ່ວ່າ ອາລົມມັນປະມານວ່າມີຄົນໄດ້ໃສ່ເບີ 9 ແລ້ວ ຄົນນັ້ນກໍຍິງບໍ່ໄດ້ເລີຍ ຕອນນີ້ ເລີຍກາຍເປັນວ່າບໍ່ມີໃຜຢາກຫຍຸ້ງກັບຫມາຍເລກ 9 ເລີຍຈັກຄົນ ’’.
ສຳລັບເສື້ອຫມາຍເລກ 9 ຂອງເຊລຊີ ຍັງມີຄົນທີ່ເລືອກສວມເສື້ອຫມາຍເລກ 9 ແລ້ວສ້າງຜົນງານໄດ້ດີຄື ຈິມມີ ຟລອຍ ຮັສເຊລເບັງ ອະດີດກອງຫນ້າທີມ ເຊລຊີ ທີ່ລົງຫລິ້ນໃນປີ 2000-2004 ແລ້ວຍິງໄປ 69 ປະຕູຈາກ 136 ນັດ.
