ເວສແຮມ ຄວ້າ ແມັກເວລ ເສີມກອງຫນ້າ

ເວສແຮມ ຢູໄນເຕັດ ຍັງດຳເນີນການເສີມກອງຫນ້າຕໍ່ເນື່ອງ ເມື່ອຄວ້າຕົວ ແມັກເວລ ກໍເນຕ ປີກຕີນຈະຫລວດຂອງ ເບີນລີ ມາຮ່ວມທີມຮຽບຮ້ອຍແລ້ວ.

ເວສແຮມ ຢູໄນເຕັດ ທີມເກ່ັງແຫ່ງພຣີເມຍລີກ ອັງກິດ ຍັງເດີນຫນ້າເສີມທີມຢ່າງຕໍ່ເນື່ອງ ຫລ້າສຸດຈັດການຄວ້າ ແມັກເວລ ກໍເນສ ປີກຊາວໄອວໍຣີໂຄສຂອງ ເບີນລີ ມາຮ່ວມທີມຮຽບຮ້ອຍແລ້ວ ໂດຍເຊັນສັນຍາຍາວ 5 ປີ ພ້ອມຕົວເລືອກເພີ່ມອີກ 1 ປີ.

BBC ສື່ຊື່ດັງຂອງອັງກິດລາຍງານວ່າ ເວສແຮມ ຢູໄນເຕັດ ຄວ້າ ກໍເນສ ເຊິ່ງເປັນດາວຍິງສູງສຸດຂອງ ເບີນລີ ໃນລະດູການຜ່ານມາ ຫລັງຍິງໄປ 9 ປະຕູ ຈາກ 28 ນັດ ດ້ວຍການຈ່າຍຄ່າຈີກສັນຍາຈຳນວນ 17,5 ລ້ານປອນ ໃຫ້ກັບ ເບີນລີ ຂະນະທີ່ ດາວເຕະອາຍຸ 25 ປີ ເຊິ່ງຈະໃສ່ເສື້ອເບີ 14 ລົງຫລິ້ນໃຫ້ ເວສແຮມ ຍອມຮັບວ່າຮູ້ສຶກຕື່ນເຕັ້ນທີ່ໄດ້ຍ້າຍມາຢູ່ກັບທີມເກ່ັງຢ່າງ ເວສແຮມ ‘‘ ມັນເປັນການ ກ້າວໄປອີກຂັ້ນຫນຶ່ງຂອງຂ້ອຍໃນການຍ້າຍມາຢູ່ກັບສະໂມສອນໃຫຍ່ແບບນີ້ ແລະຂ້ອຍກໍມີຄວາມສຸກຫລາຍທີ່ໄດ້ມາຢູ່ນີ້ ໄດ້ເປັນ ສ່ວນຫນຶ່ງໃນແຜນການຂອງສະໂມສອນ ຂ້ອຍຕື່ນເຕັ້ນທີ່ພວມຈະໄດ້ເລີ່ມຕົ້ນຢູ່ນີ້ ’’.