ວັນນີ້ໃນອະດີດ! 6 ສິງຫາ 1945 ສະຫະລັດອາເມລິກາໄດ້ຖິ້ມລະເບີດປະລາມະນູລູກທຳອິດໃນສົງຄາມໂລກຄັ້ງທີ II
ວັນທີ 6 ສິງຫາ 1945 ສະຫະລັດອາເມລິກາຖິ້ມລະເບີດປະລາມະນູລູກທຳອິດໃນສົງຄາມໂລກຄັ້ງທີ II (World War II) ທີ່ເມືອງ ຮິໂລຊິມາ (Hiroshima) ເຊິ່ງເປັນທີ່ຕັ້ງຂອງກອງທັບບົກທີສອງຂອງຍີ່ປຸ່ນເພື່ອບັງຄັບໃຫ້ຍີ່ປຸ່ນຍອມແພ້ສົງຄາມໂດຍໃຊ້ເຄື່ອງບິນ B-29 Superfortress ຊື່ “Enola Gay” ເຊິ່ງຂັບໂດຍ ພັນໂທ ໂພລ ທິບເບດສ໌ (Paul Tibbets) ລະເບີດນິວເຄຍລູກນີ້ມີຊື່ວ່າ “ລິດເຕີບອຍ” (Little Boy) ເຊິ່ງປະສົມຈາກທາດ ຍູເລນຽມ-235 ນ້ຳໜັກ 60 ກິໂລກຣາມ ມີອະນຸພາບທຳລາຍລ້າງເທົ່າກັບລະເບີດທີເອັນທີ (TNT) 13 ກິໂລຕັນ ສົ່ງຜົນໃຫ້ເມືອງຮິໂລຊິມາ ຖືກທຳລາຍມີຜູ້ເສຍຊີວິດຫລາຍກວ່າ 130.000 ຄົນ ອີກສາມມື້ຕໍ່ມາຄືວັນທີ 9 ສິງຫາ ສະຫະລັດອາເມລິກາກໍຖິ້ມລະເບີດປະລາມະນູອີກລູກຄື “ແຟດແມນ” (Fat Man) ໂຈມຕີເມືອງນາງາຊາກິິ (Nagasaki) ເມືອງທ່າທີ່ໃຫຍ່ທີ່ສຸດ ແລະ ເມືອງອຸດສາຫະກໍາທີ່ສໍາຄັນຂອງຍີ່ປຸ່ນ ໂດຍເຄື່ອງບິນ B-29 Superfortress ຊື່ “Bockscar” ຂັບໂດຍ ພັນຕີ ຊາເລດ ສາວິເນ (Charles W. Sweeney) ເປັນລະເບີດນິວເຄຍຊະນິດແກນພູໂຕນຽມ ມີອະນຸພາບທຳລາຍລ້າງເທົ່າກັບລະເບີດທີເອັນທີ (TNT) 21 ກິໂລຕັນ ສົ່ງຜົນໃຫ້ມີຜູ້ເສຍຊີວິດຫລາຍກວ່າ 750.000 ຄົນ ເມື່ອສົງຄາມສິ້ນສຸດ ປະເມີນວ່າມີຊາວຍີ່ປຸ່ນເສຍຊີວິດຫລາຍກວ່າ 2 ລ້ານຄົນ ຍັງບໍ່ນັບລວມຜູ້ໄດ້ຮັບບາດເຈັບຈາກກຳມັນຕະພາບລັງສີອີກຈຳນວນຫລາຍ.
