ບາເຊໂລນາ ພ້ອມຈ່າຍ 80 ລ້ານຢູໂຣ ເພື່ອຄວ້າດາວເຕະຂອງລີເວີພູລ

ບາເຊໂລນາ ສະໂມສອນໃຫຍ່ແຫ່ງ ລາ ລີກາ ສະເປນ ພ້ອມຍື່ນຂໍ້ສະເຫນີ 80 ລ້ານຢູໂຣ ເພື່ອຄວ້າ ເທຣນ ອາເລັກຊານເດີ ອາໂນລ ກອງຫລັງທີມຊາດອັງກິດຂອງ ລີເວີພູລ ມາເສີມຄວາມແຂງແກ່ນໃນປີ 2023.

ສຳລັບປີກຂວາຖືເປັນບັນຫາສຳລັບບາເຊໂລນາ ມາໄລຍະຫນຶ່ງແລ້ວ ໂດຍສະເພາະຢ່າງຍິ່ງຫລັງການຍ້າຍໄປຂອງ ດານີ ອັລເວສ ແລະ ເມື່ອ ອັລເວສ ຍ້າຍກັບມາອີກເທື່ອຫນຶ່ງ ກໍຍັງບໍ່ສາມາດຄືນຟອມເກ່ັງໄດ້ ຂະນະທີ່ດາວຮຸ່ງຢ່າງ ເຊີຄີໂອ ເດສ ກໍຍັງມີຜົນງານ ບໍ່ດີເທົ່າທີ່ຄວນ ເຊິ່ງລາຍງານຫລ້າສຸດລະບຸວ່າ ບາເຊໂລນາ ພ້ອມຈ່າຍເງິນເຖິງ 80 ລ້ານຢູໂຣ ເພື່ອຄວ້າ ເທຣນ ອາເລັກຊານເດີ ອາໂນລ ມາຮ່ວມທີມໃນປີຫນ້າ ເພາະເບິ່ງວ່ານີ້ຄືຫນຶ່ງໃນປີກຂວາລະດັບໂລກ ແລະ ຈະຫລິ້ນເຂົ້າລະບົບຂອງ ຊາບີ ເອີນານເດສ ຢ່າງແນ່ນອນ.

ສຳລັບ ອາໂນລ ຍິງໄປແລ້ວ 60 ແອສຊິສ ໃຫ້ກັບ ລີເວີພູລ ຈາກການລົງຫລິ້ນ 227 ນັດ ລວມທຸກລາຍການ ໂດຍລາວເຫລືອສັນຍາ ກັບລີເວີພູລ ເຖິງປີ 2025 ດັ່ງນັ້ນ ລີເວີພູລ ຈຶ່ງໄດ້ປຽບໃນການຊື້ຂາຍນີ້ ແລະ ອາດຕັ້ງຄ່າຕົວ ອາໂນລ ສູງເຖິງ 100 ລ້ານຢູໂຣ ເພື່ອກັນ ບາເຊໂລນາ ບໍ່ໃຫ້ມາພາກນັກເຕະຄົນສຳຄັນຂອງພວກເຂົາໄປ.