ພະນະທ່ານ ພັນຄຳ ວິພາວັນ ນາຍົກລັດຖະມົນຕີແຫ່ງ ສປປ ລາວ ພ້ອມຄະນະ ໄດ້ມາເຄື່ອນໄຫວເຮັດວຽກຢູ່ແຂວງ ບໍ່ແກ້ວ

ວັນທີ 4 ສິງຫານີ້ 2022 ທ່ານ ພັນຄຳ ວິພາວັນ ນາຍົກລັດຖະມົນຕີແຫ່ງ ສປປ ລາວ ພ້ອມຄະນະ ທີ່ມາເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງບໍ່ແກ້ວ ຕອນຮັບໂດຍ ທ່ານ ບົວຄົງ ນາມມະວົງ ເຈົ້າແຂວງໆບໍ່ແກ້ວ.

ທ່ານ ພັນຄຳ ວິພາວັນ ນາຍົກລັດຖະມົນຕີແຫ່ງ ສປປ ລາວ ໄດ້ພົບປະໂອ້ລົມຄະນະບໍລິຫານງານພັກແຂວງ, ຫົວໜ້າ – ຮອງຫົວໜ້າພະແນກ ການ, ສະພາປະຊາຊົນ, ກົມກອງ, ຂະແໜງການ, ອົງການອ້ອມຂ້າງແຂວງ, ຄະນະບໍລິຫານງານພັກເມືອງຫ້ວຍຊາຍ, ພະນັກງານອາວຸໂສບຳນານ ແລະ ນາຍບ້ານ ໂດຍມີເນື້ອໃນດັ່ງນີ້:

– ຕໍ່ໜ້ານີ້ການເຄື່ອນໄຫວເຮັດວຽກທຸກຢ່າງແມ່ນໄດ້ມອບຄວາມຮັບຜິດຊອບ ລະຫວ່າງ ແຂວງ ກັບ ບັນດາກະຊວງເປັນທີ່ລະອຽດແລ້ວ ຄະນະລັດຖະບານຈະບໍ່ໄດ້ແຕ່ງຕັ້ງມີຄະນະສະເພາະເພື່ອແກ້ໄຂບັນຫາຕ່າງໆທີ່ເກີດຂື້ນຄືຜ່ານໆມາອີກ,
– ໃຫ້ການນຳຂອງພະແນກການ, ກົມກອງ ແລະ ເມືອງ ຈົ່ງເປັນເຈົ້າການຍົກລະດັບການແກ້ໄຂຄວາມຫຍຸ້ງຍາກດ້ານເສດຖະກິດ – ການເງິນ ໃຫ້ເປັນວາ ລະແຫ່ງຊາດ ຕິດພັນກັບການແກ້ໄຂບັນຫາຢາເສບຕິດ
– ການແກ້ໄຂການລະບາດຂອງພະຍາດຕິດຕໍ່ ເພື່ອໃຫ້ປະຊາຊົນລາວບັນດາເຜົ່າສາມາດດໍາລົງຊີວິດຢູ່ຮ່ວມກັບພະຍາດໂຄວິດໄດ້, ການທໍາມາຫາກິນຕ້ອງໃຫ້ດຸນດຽງຕາມມາດຕະການດ້ານການແພດໃຫ້ປະຊາຊົນສາມາດເຂົ້າເຖິງການບໍລິການປິ່ນປົວຢ່າງທົ່ວເຖິ
– ມາດຕະການດ້ານເສດຖະກິດເຮັດໃຫ້ຜູ້ວ້າງງານຕ້ອງໄດ້ທຳມາຫາກິນກຸ້ມຕົນເອງ, ໃນເມື່ອເກີດມີຄວາມຫຍຸ້ງຍາກຄະນະການນໍາທຸກຂັ້ນ ຕ້ອງມີຄວາມສາມັກຄີ ເພື່ອແກ້ໄຂບັນຫາດັ່ງກ່າວໃຫ້ເຄື່ອນໄຫວໄດ້ດີ, ຂຸດຄົ້ນເອົາທ່າແຮງບົມຊ້ອນຂອງແຂວງ ເພື່ອພ້ອມກັນລົງຈັດຕັ້ງປະຕິບັດພັດທະນາໃຫ້ສາມາດນໍາເອົາເງິນຕາຕ່າງປະເທດເຂົ້າມາພັດທະນາບ້ານເມືອງ
– ປັບປຸງນິດໄສຂີ້ຄ້ານມັກງ່າຍຍາດແຍງເຄື່ອນໄຫວໄປນໍາດ້ານເສດຖະກິດ
– ສືບຕໍ່ເອົາໃຈໃສ່ຊຸກຍູ້, ສົ່ງເສີມການປູກ – ການລ້ຽງ ເພື່ອເປັນສິນຄ້າສ້າງລາຍຮັບແກ່ຄອບຄົວ
– ແກ້ໄຂບັນຫາຂາດເຂີນນໍ້າມັນ, ອັດຕາເງິນເຟີ້ໃຫ້ເຂົ້າສູ່ສະພາບປົກກະຕິ
– ບໍ່ໃຫ້ປະຊາຊົນນ້ອຍໃຈໃນການໂຈະສະໜາມບິນຫ້ວຍຊາຍ ໃຫ້ພູມໃຈທີ່ໄດ້ສະໜາມບິນສາກົນບໍ່ແກ້ວ,
– ໃຫ້ທຸກຄົນໃນສັງຄົມມີຄວາມຮັບຮູ້, ເຂົ້າໃຈ ແລະ ເຫັນໃຈໃນການພະຍາຍາມແກ້ໄຂບັນຫາຄວາມຫຍຸ້ງຍາກທາງດ້ານເສດຖະກິດ – ການເງິນຂອງລັດຖະບານໃນປັດຈຸບັນ ເພື່ອໃຫ້ການສະໜັບສະໜູນ, ຊຸກຍູ້ຊ່ວຍເຫຼືອລັດຖະບານ
– ອົງການປົກຄອງແຂວງດຳເນີນການປະຕິບັດ 2 ວາລະແຫ່ງຊາດໃຫ້ໄດ້ຕາມຄາດໝາຍ, ປັບປຸງແຜນການພັດທະນາເສດຖະກິດ – ສັງຄົມຂອງແຂວງໃນສະພາບຈຳກັດ ໃຫ້ເຊື່ອມໂຍງກັບສາກົນດ້ວຍທາງບົກ, ທາງນ້ຳ ແລະ ທາງອາກາດ ໂດຍສະເພາະແມ່ນການພັດທະນາຊັບພະຍາກອນມະນຸດ ໃຫ້ຖືກຕ້ອງຕາມມະຕິກອງປະຊຸມໃຫຍ່ຂອງອົງຄະນະພັກແຂວງໄດ້ກຳນົດເປັນແຕ່ລະໄລຍະ.

ນອກນີ້ທ່ານ ນາຍົກລັດຖະມົນຕີ ໄດ້ພົບປະກັບ ທ່ານ ຈ່າວເວີຍ ປະທານຄະນະເຂດເສດຖະກິດພິເສດສາມຫຼ່ຽມຄໍາ ພ້ອມທັງຮັບຟັງການລາຍສະພາບການພັດທະນາເຂດເສດຖະກິດພິເສດສາມຫຼ່ຽມຄໍາ, ພະນະທ່ານ ນາຍົກ ໄດ້ເວົ້າວ່າ: ເຂດເສດຖະກິດພິເສດສາມຫຼ່ຽມຄໍາ ແມ່ນການພັດທະນາແບບຄົບວົງຈອນ ຕ້ອງສ້າງໃຫ້ມີນິຕິກໍາຄຸ້ມຄອງໂດຍສະເພາະພາຍໃນ ແລະ ໄດ້ເດີນທາງທ່ຽວຊົມຊຸກຍູ້ການປູກໝາກພຸກ ຢູ່ເຂດທົ່ງພ້າວຫ້າວ ດ່ານຖິ່ນ, ທ່ຽວຊົມຟາມລຽ້ງງົວຢູ່ປາກຮາວໃຕ້, ການລ້ຽງປາໃນຮົ່ມ ແລະ ຈຸດການກໍສ້າງສວນສາທາລະນະໜອງຖານ ໃນນັ້ນ ພະນະທ່ານ ນາຍົກ ແມ່ນໄດ້ຮັບຟັງການລາຍງານສະພາບຄວາມຫຍຸ້ງຍາກ ແລະ ຂໍ້ສະເໜີຕ່າງໆ.