ກາບໄຫ້ວພະທອງສາມສີຊົມຊາກເຮືອບູຮານທີ່ບ້ານຫລີ່ງຊັນ
ບ້ານຫລີ່ງຊັນ ຕັ້ງຢູ່ທາງທິດ ຕາເວັນຕົກສຽງໃຕ້ຂອງເມືອງ ທຸລະຄົມ, ແຂວງວຽງຈັນ. ລຽບ ຕາມແຄມແມ່ນ້ຳງື່ນຫ່າງຈາກ ນະຄອນຫລວງວຽງຈັນປະມານ 50 ກວ່າກິໂລແມັດ ໄປຕາມເສັ້ນ ທາງເລກ 13 ເໜືອ ແລະ ເມື່ອ ຮອດຫລັກ 44 ກໍຈະມີປ້າຍ ບອກທາງເຂົ້າບ້ານຫລີ່ງຊັນຢູ່ ເບື້ອງ ຂວາມືລ້ຽວເຂົ້າໄປປະມານ 8 ກິໂລແມັດກໍຮອດບ້ານຫລີ່ງ ຊັນແລ້ວ.
ບ້ານຫລີ່ງຊັນມີ: 294 ຫລັງ ຄາເຮືອນ, ມີ 303 ຄອບຄົວ, ເປັນ ບ້ານພື້ນຖານຂອງການປະຕິ ວັດ, ປະຊາຊົນມີມູນເຊື້ອດຸໝັ່ນ ຫ້າວຫັນ, ອານຸລັກຮັກສາຮີດ ຄອງປະເພນີ, ສີລະປະ ວັດທະນະທຳອັນເກົ່າແກ່ມາແຕ່ບູຮານນະການເຊັ່ນ: ບຸນບັ້ງໄຟ, ບຸນຊ່ວງ ເຮືອ, ບຸນພະເວດ ແລະ ເປັນບ້ານ ແຫ່ງຕົ້ນສະບັບການຂັບງື່ມ (ຂັບ ຫລີ່ງຊັນ) ມີພະທອງສາມສີ ເປັນມິງ ຂວັນຂອງປະຊາຊົນພາຍ ໃນ້ບ້ານເພື່ອກາບໄຫ້ວ ແລະ ມີປະ ຕູໃຫຍ່ພຸດທະສິມມາ, ວັດກາງ, ໜັງສືຜູກໃບລານນຳດ້ວຍ.
ທ່ານນາຍບ້ານ ໄຜ່ແກ້ວ ຫລວງອາໄພ ໄດ້ເລົ່າສູ່ຝັງວ່າ: ພະທອງສາມສີນີ້, ມີມາແຕ່ສະ ໄໝບູຮານ ແລະ ມີອາຍຸໄດ້ 600 ກວ່າປີ. ເປັນພະອົງດຽວທີ່ມີ ຈຸດພິເສດກະຄືໃນມີ 3 ສີ: ແລະ ເງິນ, ທອງ, ຄຳ. ໂດຍເມື່ອກ່ອນ ໄດ້ຊຸກເຊື່ອງໄວ້ໃນເຮືອນຂອງ ປະຊາຊົນທີ່ໄວ້ເນື້ອເຊື່ອໃຈ ກັນສືບຕໍ່ກັນມາຈົນມາຮອດປີ 2006 ອຳນາດການປົກຄອງ ພ້ອມດ້ວຍປະຊາຊົນບ້ານຫລີ່ງ ຊັນໄດ້ອັນເຊີນເພີ່ນໄປຢູ່ໃນວັດສີສຸມິງໄຊຍະລາມ ຫລື ວັດພະທອງສາມສີ.
+ ກາບໄຫ້ວວັດສີເມືອງ ແລະ ຊົມຫໍຫລັກເມືອງ
+ ທ່ຽວຊົມກາບໄຫ້ວວັດຖ້ຳພະລືສີ, ວັດຖ້ຳພະ, ວັດຖ້ຳຄອກມ້
ຫລັງຈາກນັ້ນກໍຊົມເຮືອ ທີ່ເກົ່າແກ່ບູຮານ ຄວາມຍາວປະ ມານ 16 ແມັດ ແລະ ກວ້າງປະ ມານ 2.50 ແມັດ , ເປັນເຮືອຂຸດ ເຈາະຂອງສີມືຄົນຮຸ່ນກ່ອນ, ພື້ນ ທ້ອງເຮືອຍັງມີຄາບຂີ້ຊີປົນນ້ຳ ມັນຍາງຕິດຈອດເຮືອຢູ່.
ຖ້າທ່ານໄດ້ໄປບ້ານ ຫລີ່ງ ຊັນແລ້ວຈະຫລົງໄຫລຄວາມງົດງາມທຳມະຊາດອ້ອມຂ້າງແມ່ ນ້ຳງື່ມໄຫລຜ່ານ, ການເດີນທາງ ກໍສະດວກສະບາຍເສັ້ນທາງແມ່ນ ປູຢາງນັກທ່ອງທ່ຽວສາມາດ ໄປ ກາບໄຫ້ວພະທອງສາມສີ, ຊົມ ເຮືອເກົ່າແກ່ບູຮານ ແລະ ເປີດ ໃຫ້ເຂົ້າຊົມແຕ່ເວລາ 6:00 ໂມງ 17:00 ໂມງ. ໃນທຸກວັນໂດຍ ບໍ່ເສຍຄ່າ.
