ແຄສເປີ ຊະໄມເຄິລ ອຳລາ ເລສເຕີ ຊິຕີ ຍ້າຍໄປ ນີສ ສັນຍາ 3 ປີ

ແຄສເປີ ຊະໄມເຄິລ ຜູ້ຮັກສາປະຕູຫົວຫນ້າທີມ ເລສເຕີ ຊິຕີ ອຳລາຖິ່ນ ຄິງ ພາວເວີ ເພື່ອຍ້າຍໄປຮ່ວມທີມ ນີສ ໃນລີກ ເອິງ ຝຣັ່ງ ຫລັງລົງຫລິ້ນໃຫ້ກັບສະໂມສອນເຖິງ 11 ລະດູການ ຈົນກາຍເປັນຫນຶ່ງໃນນັກເຕະທີ່ດີເດ່ັນທີ່ສຸດໃນປະຫວັດສາດຂອງສະໂມສອນ.

ສຳລັບ ຊະໄມເຄິລ ອາຍຸ 34 ປີ ມີສ່ວນສຳຄັນໃນການຊ່ວຍທີມຄວ້າແຊ໊ມລີກ ເດິ ແຊ໊ມປຽນ ຊິບ, ພຣີເມຍລີກ, ເອຟເອ ຄັພ ແລະ ຄອມມູນີຕີ ຊິລ ຫລັງຍ້າຍມາຈາກ ລີດ ຢູໄນເຕັດ ເມື່ອປີ 2011 ໂດຍ ຊະໄມເຄິລ ຈະຍ້າຍໄປຮ່ວມທີມ ນີສ ໃນລີກ ເອິງ ຝຣັ່ງ ດ້ວຍ ຄ່າຕົວ 1 ລ້ານປອນ ຈາກການລາຍງານຂອງ ຟາບຣີຊີໂອ ໂຣມາໂນ ນັກຂ່າວຊື່ດັງ ເຊັນສັນຍາຮ່ວມງານກັນ 3 ປີ.

ທັງນີ້ ຊະໄມເຄິລ ສ້າງສະຖິຕິລົງຫລິ້ນໃຫ້ກັບສະໂມສອນຫລາຍທີ່ສຸດເປັນອັນດັບ 3 ໂດຍລົງສະຫນາມລວມ 479 ນັດໃນໄລຍະ 11 ລະດູການທີ່ຜ່ານມາ.