ແຂ່ງຂັນກັອບ ຊີງຂັນລັດຖະມົນຕີ ກະຊວງສຶກສາທິການ ແລະ ກິລາ ສະຫຼອງປີສາມັກຄີມິດຕະພາບ ລາວ-ຫວຽດນາມ 2022
ການແຂ່ງຂັນກິລາກັອບມິດຕະພາບ ຊີງຂັນທ່ານລັດຖະມົນຕີ ກະຊວງສຶກສາທິການ ແລະ ກິລາ (ສສກ) ເພື່ອສ້າງຂະບວນການສະຫຼອງປີສາມັກຄີແບບພິເສດ ມິດຕະພາບ ລາວ-ຫວຽດນາມ, ຫວຽດ ນາມ-ລາວ ປະຈຳປີ 2022 ໄດ້ຈັດຂຶ້ນເມື່ອບໍ່ດົນມານີ້ ທີ່ສະໜາມກິລາລ່ອງວຽນ ເມືອງຫາດຊາຍຟອງ ນະຄອນຫຼວງວຽງຈັນ, ໂດຍໃຫ້ກຽດເຂົ້າຮ່ວມຂອງ ທ່ານ ບຸນປອນ ບຸດຕະນະວົງ ອະດີດຮອງນາຍົກ ລັດຖະມົນຕີ, ທ່ານ ພຸດ ສິມມາລາວົງ ລັດຖະມົນຕີ ສສກ ແລະ ທ່ານ ຫງວຽນບາຮຸງ ເອກອັກຄະລັດຖະທູດ ສສ ຫວຽດນາມ ປະຈຳ ສປປ ລາວ ພ້ອມດ້ວຍບັນດານັກກິລາ, ພາກສ່ວນໃຫ້ການອຸປະຖຳເຂົ້າຮ່ວມ.
ຜ່ານການແຂ່ງຂັນຕະຫຼອດໄລຍະເຄິ່ງມື້ ຜົນປະກົດວ່າ:
– ຊະນະເລີດ ລາຍການແຊັມປ້ຽນຊິບຕົກເປັນຂອງ ທ່ານ ພອນປະເສີດ ອິນທະສອນ ປະທານບໍລິສັດ 3 ເອັດພັດທະນາ, ຊະນະເລີດ ສາຍ (ກ)
– ທ່ານ ວິລະເດດ ວົງໄຊ, ຊະນະເລີດສາຍ (ຂ)
– ທ່ານ ສຸລິຍາ ແສງດາລາວົງ ຈາກກະຊວງພະລັງງານ ແລະ ບໍ່ແຮ່,
– ຊະນະເລີດ ສາຍ (ຄ) ທ່ານ ດາວອນ ວົງອ່ອນຈັນ ຈາກສະມາຄົມກັອບຫວຽດນາມ.
ສ່ວນຊະນະເລີດ ສາຍອາວຸໂສ ທ່ານ ບຸນປອນ ບຸດຕະນະວົງ, ຂະນະທີ່ລາງວັນຕີໃກ້ທຸງ ແມ່ນ ທ່ານ ຈັນປະສິດ ອຸນາພົນ ຈາກສະມາຄົມກັອບຫວຽດນາມ ຕີໄດ້ 0,8 ແມັດ ຈາກຂຸມ 7 ແລະ ທ່ານ ວິລະເດດ ວົງໄຊ ຕີໄດ້ 2 ແມັດ ຈາກຂຸມ 12.
