ອາເກວໂຣ ບໍ່ເຂົ້າໃຈ, ແມນຊິຕີ ຂາຍ ສະເຕີລິງ ໃຫ້ຄູ່ແຂ່ງໂດຍກົງ

ກອງຫນ້າລະດັບຕຳນານຂອງ ແມນເຊສເຕີ ຊິຕີ ຍັງຄົງຄາໃຈວ່າເປັນຫຍັງ ແມນຊິຕີ ຈຶ່ງຂາຍນັກເຕະຄົນສຳຄັນຢ່າງ ຣາຮິມ ສະເຕີລິງ ໃຫ້ ເຊລຊີ ຄູ່ແຂ່ງໂດຍກົງ ແລະມີຫລາຍຄັ້ງຍັງຕັດສິນໃຈແປກໆ.

ພາຍຫລັງທີ່ ແມນເຊສເຕີ ຊິຕີ ທີມແຊ໊ມພຣີເມຍລີກ ອັງກິດ ລະດູການ 2021-22 ປ່ອຍຕົວ ຣາຮິມ ສະເຕີລິງ ປີກທີມຊາດອັງ ກິດໄປໃຫ້ ເຊລຊີ 1 ໃນຄູ່ແຂ່ງຍາດແຊ໊ມດ້ວຍຄ່າຕົວ 47,5 ລ້ານປອນ ພ້ອມເຊັນສັນຍາຍາວ 5 ປີ ບວກຕົວເລືອກເພີ່ມອີກ 1 ປີ ເຖິງວ່າລະດູການ 2021-22 ສະເຕີລິງ ຈະລົງສະຫນາມໃຫ້ແມນຊິຕີ ນັບສະເພາະໃນພຣີເມຍລີກ ເຖິງ 30 ນັດ ພ້ອມຍິງ 13 ປະຕູ 4 ແອສຊິສ ແຕ່ເຖິງປານນັ້ນກໍຍັງບໍ່ດີພໍທີ່ຈະໄດ້ໄປຕໍ່ກັບທີມອີກ.

‘‘ ຂ້ອຍບໍ່ເຂົ້າໃຈການຂາຍ ສະເຕີລິງ ມີຫລາຍຄັ້ງທີ່ພວກເຂົາເຮັດການຕັດສິນໃຈແປກໆ ສະເຕີລິງ ມີຄວາມທະເຍີທະຍານຂອງລາວ ທີ່ຈະເຮັດປະຕູ ແລະ ແອສຊິສໃຫ້ຫລາຍຂຶ້ນ ວິທີການຫລິ້ນຂອງລາວມີຄວາມແຕກຕ່າງ ແລະ ຍັງເຮັດໃຫ້ບໍ່ຄ່ອຍໄດ້ຮັບບາດເຈັບ ’’ ອາເກວໂຣ ກ່າວ.

ສຳລັບ ສະເຕີ ຍ້າຍຈາກ ລີເວີພູລ ມາສູ່ຖິ່ນ ເອຕີຮັດ ດ້ວຍຄ່າຕົວ 49 ລ້ານປອນ ເມື່ອເດືອນກໍລະກົດປີ 2015 ພ້ອມຄວ້າແຊ໊ມພຣີ ເມຍລີກ 4 ສະໄຫມ, ເອຟເອ ຄັພ 1 ສະໄຫມ, ລີກ ຄັພ 1 ສະໄຫມ ແລະ ຮັບໃຊ້ສະໂມສອນ 339 ນັດ ຍິງ 131 ປະຕູ.