ທາວເວີ ຊັບເວ (Tower Subway) ລົດໄຟໃຕ້ດິນສາຍທຳອິດຂອງໂລກເປີດໃຫ້ບໍລິການ

ວັນທີ 2 ສິງຫາ 1870 ທາວເວີ ຊັບເວ (Tower Subway) ລົດໄຟໃຕ້ດິນ(Underground Tube Railway)ສາຍທຳອິດຂອງໂລກເປີດໃຫ້ບໍລິການຢູ່ທີ່ ກຸງລອນດອນ ປະເທດອັງກິດ ໂດຍມີຮູບຮ່າງຄ້າຍຄືອຸໂມງລອດພາຍໃຕ້ແມ່ນ້ຳເທມສ (Thames)ມີສອງສະຖານີຄື ທາວເວີ ຮິວ (Tower hill) ແລະ ວາຍ ເລນ (vine lane) ລົດໄຟໃຕ້ດິນສາຍນີ້ໄດ້ຊື່ມາຈາກ “ຫໍຄອຍແຫ່ງລອນດອນ” (Tower of London) ອຸໂມງອອກແບບ ແລະ ກໍ່ສ້າງໂດຍ ເຈມ ເກຣທິດ (James Henry Greathead)ສ່ວນເປືອກອຸໂມງອອກແບບໂດຍ ປີເຕີ ບາຣໂລ  (Peter William Barlow) ແລະ ມີລູກຊາຍຂອງບາຣໂລ ຊື່: ປີເຕີ ບາຣໂລ ຈູເນີຍ  (Peter W. Barlow Jr.) ເປັນວິສະວະກອນຄວບຄຸມການກໍ່ສ້າງ ໂດຍເລີ່ມຕົ້ນກໍ່ສ້າງໃນເດືອນ ກຸມພາ 1869 ໂດຍການຂຸດອຸໂມງລົດໄຟດ້ວຍເຄື່ອງຈັກ ໄຮດໍລິກ ເລິກປະມານ 18 ແມັດໃຕ້ດິນ ໃນໄລຍະທຳອິດອຸໂມງຍາວພຽງແຕ່ 410 ແມັດ ກວ້າງ 2,1 ແມັດ ລາງລົດໄຟກວ້າງ 76,2 ຊັງຕີແມັດ ໃຊ້ເຄື່ອງຈັກອາຍນ້ຳຂະໜາດ 4 ແຮງມ້າເປັນໂຕລາກລົດເຄເບິນຄາ (cable car) ຂະໜາດ 12 ບ່ອນນັ່ງ ໃຊ້ເວລາໂດຍສານປະມານຖ້ຽວລະ 70 ວິນາທີ ຫລັງຈາກເປີດໃຊ້ບໍລິການໄດ້ປະມານ 3 ເດືອນຄ່ອຍໄດ້ຮັບຄວາມນິຍົມ ເພາະຄວາມຄັບແຄບ ແລະ ຄວາມບໍ່ສະດວກຂອງສະຖານີ ປະຊາຊົນຈຶ່ງນິຍົມຍ່າງຫລາຍກວ່າ ໃນທີ່ສຸດທາງການກໍໄດ້ປັບປຸງໃໝ່ ໂດຍການນຳເອົາລິບມາໃຊ້ແທນຂັ້ນໄດ ປ່ຽນເຄື່ອງຈັກອາຍນ້ຳເປັນໄປໃຊ້ນ້ຳມັນເຊື້ອໄຟ ສົ່ງຜົນໃຫ້ລົດໄຟໃຕ້ດິນສາຍນີ້ກັບມາມີຄວາມນິຍົມອີກຄັ້ງມີຜູ້ໂດຍສານຫລາຍກວ່າຊາວພັນຄົນຕໍ່ອາທິດ ກ່ອນທີ່ຈະຫລຸດຄວາມນິຍົມໄປຫລັງຈາກທີ່ມີການສ້າງຂົວ ທາວເວີ ບຣິດ (Tower Bridge) ໃນປີ 1894 ເນື່ອງຈາກວ່າບໍ່ຕ້ອງເສຍເງິນໃນການເດີນທາງຄືກັບລົດໄຟ ຕໍ່ມາອີກບໍ່ດົນກໍຂາດທຶນຈົນລັດຖະບານຕ້ອງຂາຍກິດຈະການໃຫ້ເອກະຊົນດຳເນີນການຕໍ່ ກ່ອນຈະປິດການໃຊ້ງານໃນປີ 1898.