ນັກກິລາຍົກນໍ້າໜັກຄົນພິການລາວ ຄວ້າຫລຽນເງິນ ໃນກິລາຄົນພິການອາຊຽນຄັ້ງທີ 11 ທີ່ອິນໂດເນເຊຍ

ການແຂ່ງຂັນກິລາຄົນພິການອາຊຽນຄັ້ງທີ 11 ທີ່ອິນໂດເນເຊຍໃນວັນທີ 1 ສິງຫານີ້, ນາງ ລັດສະໝີ ລົງແຂ່ງຮຸ່ນນໍ້າໜັກບໍ່ເກີນ 41 ກິໂລ ແລະ ສາມາດຍົກນໍ້າໜັກລວມສູງສຸດໄດ້ 73 ກິໂລ ໄດ້ທີ 2 (ຫລຽນເງິນ) ແລະ ຍົກ 3 ເທື່ອລວມກັນໄດ້ 140 ກິໂລ ໄດ້ອີກໜຶ່ງຫລຽນເງິນມາຄອງ, ສ່ວນຫລຽນຄຳເປັນຂອງເຈົ້າພາບອິນໂດເນເຊຍຍົກໄດ້ 144 ກິໂລ ແລະ ຫລຽນທອງເປັນຂອງຟິລິບປິນຍົກໄດ້ 135 ກິໂລ.

ຕໍ່ຜົນງານດັ່ງກ່າວ, ທ່ານນາງ ພິຈິກາ ບຸນກວ້າງ (ນາງໂບ) ໄດ້ມອບເງິນລາງວັນໃຫ້ນາງ ລັດສະໝີ ສີປະເສີດ 15 ລ້ານກີບ.

ມື້ດຽວກັນ, ທ້າວ ແກ່ນ ເທບທິດາ ນັກແລ່ນຄົນພິການທີມຊາດລາວທີ່ແຂ່ງໃນລາຍການແລ່ນ 100 ແມັດ ກໍໄດ້ຫລຽນທອງ, ສ່ວນຫລຽນຄຳເປັນຂອງນັກກິລາຈາກໄທ ແລະ ຫລຽນເງິນເຈົ້າພາບອິນໂດເນເຊຍ.

ກ່ອນໜ້ານີ້, ທັບນັກກິລາຄົນພິການລາວ ໄດ້ 1 ຫລຽນທອງຈາກກິລາບານບ້ວງລໍ້ເລື່ອນທີມຍິງ ພາຍ ຫລັງຊະນະ ຟີລິບປິນ 4-0 ຊຶ່ງເປັນຫລຽນທຳອິດ ແລະ ເປັນຫລຽນປະຫວັດສາດຂອງບານບ້ວງລໍ້ເລື່ອນທີມຍິງລາວເຮົາໃນການເຂົ້າຮ່ວມອາຊຽນພາຣາເກມ.