ບັນຍາກາດອົບອຸ່ນ, ຫລຸຍ ຊົວເຣສ ເປີດຕົວຫວນຄືນທີມເກົ່າ ແຟນບານແຫ່ຕ້ອນຮັບຢ່າງອົບອຸ່ນ

ຫລຸຍ ຊົວເຣສ ດາວຍິງທີມຊາດອຸຣຸໄກວ ເປີດຕົວຫວນຄືນທີມເກ່ົາ ທ່າມກາງການຕ້ອນອັນແສນອົບອຸ່ນຈາກແຟນ ບານຈຳນວນຫລາຍ.

ຫລຸຍ ຊົວເຣສ ກອງຫນ້າທີມຊາດອຸຣຸໄກວ ເປີດຕົວກັບຕົ້ນສັງກັດໃຫມ່ ເຊິ່ງເປັນອະດີດທີມເກ່ົາຄື ນາຊີອອງນາລ ສະໂມສອນ ໃນລີກບ້ານເກີດ ຢ່າງການການຮຽບຮ້ອຍແລ້ວເມື່ອວັນອາທິດທີ່ຜ່ານມາ.

ສຳລັບ ຊົວເຣສ ອາຍຸ 36 ປີ ຫມົດສັນຍາກັບ ແອດເລຕີໂກ ມາດຣິດ ສະໂມສອນເກ່ັງແຫ່ງ ລາ ລີກາ ສະເປນ ຫລັງຈົບລະດູການ ຫລ້າສຸດ ກ່ອນຈະຕັດສິນໃຈຄັ້ງສຳຄັນດ້ວຍການຍ້າຍກັບອະດີດຕົ້ນສັງກັດ  ນາຊີອອງນາລ ແບບບໍ່ມີຄ່າຕົວ ເຊິ່ງຫລ້າສຸດ ຊົວເຣສ ໄດ້ເຮັດການເປີດຕົວຕໍ່ຫນ້າແຟນບານໃນສະຫນາມແຂ່ງຂອງ ນາຊີອອງນາລ ເປັນທີ່ຮຽບຮ້ອຍແລ້ວ.

ທັງນີ້ ຊົວເຣສ ເຄີຍຢູ່ກັບ ນາຊີອອງນາລ ຕັ້ງແຕ່ລະດັບເຍົາວະຊົນກ່ອນຈະກ້າວຂຶ້ນມາສູ່ຊຸດໃຫຍ່ໃນປີ 2005 ແລະ ເຮັດຜົນ ງານໄດ້ຢ່າງສຸດຍອດ ຈົນໄດ້ຍ້າຍໄປຫລິ້ນກັບຫລາຍສະໂມສອນເຊ່ັນ ໂກຣນິງເກນ, ອາແຈັກ ອຳເຕີດຳ, ລີເວີພູລ, ບາເຊໂລນາ ແລະ ແອັດເລຕີໂກ ມາດຣິດ ຕາມລຳດັບ.