ລົດບັນທຸກຫລີກຂຸມສວນເລນຕຳກັບລົດເມນຳທ່ຽວ ເສຍຊີວິດ6 ບາດເຈັບ 24 ຄົນ
August 1, 2022 - 9:37 AM
ທ່ານ ພັນໂທ ແສງດາວ ໄຊໂກສີ ຮັກສາການຫົວໜ້າພະແນກຈະລາຈອນ ແຂວງສະຫວັນນະເຂດ ໄດ້ລາຍງານ ໃຫ້ຮູ້ວ່າ: ເວລາ 19:15 ນາທີ ຂອງວັນທີ 31 ກໍລະກົດ 2022 ມີອຸບັດເຫດລົດບັນທຸກຫີນກາວຕຳກັບລົດເມນຳທ່ຽວ ທີ່ບ້ານຫລຽນໄຊ ເມືອງອາດສະພັງທອງ ແຂວງສະຫວັນນະເຂດ ມີຄົນໄດ້ຮັບບາດເຈັບ 24 ຄົນ ເສຍຊີວິດ 6 ຄົນ ຍິງ 4 ຄົນ, ຄົນລາວ 2 ຄົນ( ໂຊເຟີ ກັບ ຜູ້ນຳທ່ຽວ), ໄທ 3 ຄົນ (ລາຍຊື່ 1. นายมงคล นาสมปอง, 2. นางสาวพนิดา เฮ้าประมงค์ 3. นางวิไลภรณ์ สุรชน ) ແລະ ຫວຽດນາມ 1 ຄົນ, ຜູ້ທີ່ໄດ້ຮັບບາດເຈັບ ແລະ ເສຍຊີວິດທີ່ເປັນຄົນໄທ ແມ່ນກູ້ໄພມຸກດາຫານ ໄດ້ມາຮັບກັບໄປປະເທດໄທແລ້ວ.
ສາເຫດຂອງການເກີດອຸບັດເຫດຄັ້ງນີ້ແມ່ນເກີດຈາກລົດບັນທຸກທີ່ມຸ່ງໜ້າຈະອອກໄປສູ່ປະເທດຫວຽດນາມ ຫລີກຂຸມຂ້າມເສັ້ນແບ່ງທາງມາ ແລ້ວມາຕຳກັບລົດເມທີ່ກຳລັງສວນທາງມາຈຶ່ງເຮັດໃຫ້ເກີດອຸບັດເຫດຂຶ້ນ, ເຈົ້າໜ້າທີ່ໄດ້ໃຊ້ເວລາ 2-3 ຊົ່ວໂມງ ຈຶ່ງສາມາດນຳເອົາຄົນເຈັບອອກມາຈາກລົດໄດ້.
