ແຈ້ງເຖິງຜູ້ຖືກເສຍຫາຍ ປະເພດລົດຈັກ ຈໍານວນ 71 ຄັນ
ກອງບັນຊາການ ປກສ ນະຄອນຫຼວງວຽງຈັນ ແຈ້ງການມາຍັງພະນັກງານ, ທະຫານ, ຕໍາຫຼວດ ແລະ ປະຊາຊົນລາວບັນດາເຜົ່າທົ່ວປະເທດ ໂດຍສະເພາະນະຄອນຫຼວງວຽງຈັນ ຊາບວ່າ ທາງກອງບັນຊາການ ປກສ ເມືອງຈັນທະບູລີ ໄດ້ກັກລົດຈັກ ເຊິ່ງໄດ້ມາຈາກການກວດກາຂອງເຈົ້າໜ້າທີ່ຕໍາຫຼວດຈະລາຈອນ, ໄດ້ມາຈາກການດຳເນີນຄະດີອາຍາ ແລະ ໄດ້ຈາກການປະຕິບັດໜ້າທີ່ອື່ນໆ ຂອງເຈົ້າໜ້າທີ່ ຈຳນວນ 71 ຄັນ ໃຫ້ເຈົ້າຂອງລົດນຳເອົາເອກະສານ, ຫຼັກຖານກ່ຽວ ກັບລົດ ມາພົວພັນເອົາພາຍໃນ 01 ເດືອນເປັນຕົ້ນໄປ ມີ ລົດຈັກໂຄລາວ, ລົດຈັກຈີນ, ລົດຈັກຮອນດ້າ ແລະ ລົດຈັກຢາມາຮາ.
ດັ່ງນັ້ນ, ກອງບັນຊາການ ປກສ ນະຄອນຫຼວງວຽງຈັນ ຈຶ່ງແຈ້ງການມາຍັງບັນດາທ່ານທຸກພາກສ່ວນເພື່ອຊາບ ແລະ ຂໍຮີບຮ້ອນປະກອບເອກະສານຫຼັກຖານ ໂດຍນໍາເອົາເອກະສານ ໜັງສືຊື້-ຂາຍ, ໃບທະບຽນລົດ ຫຼື ນໍາຫຼັກຖານກ່ຽວພັນກັບ ລົດຈັກໄປແຈ້ງຕໍ່ເຈົ້າໜ້າທີ່ ຫຼື ຄະນະກຳມະການແກ້ໄຂລົດຄ້າງສາງຢູ່ ກອງບັນຊາການ ປກສ ເມືອງຈັນທະບູລີ ເພື່ອຢັ້ງຢືນເອົາລົດ ຂອງຕົນຕາມແຈ້ງການນີ້ດ້ວຍ.
ສໍາລັບທ່ານໃດ ຢາກສອບຖາມຂໍ້ມູນ ສາມາດພົວພັນໄດ້ທີ່ເບີ 020 22229804 ແລະ 020 55530900.
