ຟລອຍ-ແມັກເກຣເກີ ກຽມບັນລຸຂໍ້ຕົກລົງ ຊົກໃຫມ່ ມີສະຖິຕິຊະນະລວດເປັນເດີມພັນ

ກ່ອນຫນ້ານີ້ມີລາຍງານວ່າທັງ ຟລອຍ ແລະ ແມັກເກຣເກີ ພວມຫາລືເຖິງຄວາມເປັນໄປໄດ້ໃນການຂຶ້ນຊົກຄັ້ງທີສອງຂອງທັງຄູ່ ທີ່ເຄີຍຊົກກັນມາແລ້ວໃນປີ 2017 ເຊິ່ງຜົນປາກົດວ່ານັກຊົກເຈົ້າຂອງສາຍາ ເດິ ມັນນີ ເອົາຊະນະໄປໄດ້ໃນຍົກທີ 10.
ຈົນຫລ້າສຸດ ເດິ ຊັນ ສື່ຊື່ດັງຂອງອັງກິດລະບຸວ່າ ຟລອຍ ແລະ ແມັກເກຣເກີ ໃກ້ທີ່ຈະຕົກລົງຊົກກັນຄັ້ງທີສອງ ດ້ວຍພິກັດ 155 ປອນ ແຕ່ຍັງບໍ່ມີການກຳນົດຈຳນວນຍົກ ໂດຍທາງຝັ່ງຂອງນັກສູ້ ຢູເອຟຊີ ນັ້ນຕ້ອງການຊົກທີ 10 ຍົກ.
ນອກຈາກນັ້ນມີລາຍງານເພີ່ມອີກວ່າ ຟລອຍ ໄດ້ສະເຫນີເງິນໃຫ້ກັບ ແມັກເກຣເກີ ໃນນັດດັ່ງກ່າວຫລາຍເຖິງ 131,5 ລ້ານປອນ ຂະນະທີ່ ແມັກເກຣເກີ ພ້ອມຈະຂຶ້ນສັງວຽນຫາກ ຟລອຍ ໃຫ້ການຊົກຄັ້ງນີ້ບັນທຶກສະຖິຕິລະດັບອາຊີບເປັນທາງການ ເຊິ່ງຫາກເສຍລາວຈະເສຍສະຖິຕິບໍ່ເຄີຍເສຍ 50-0 ຄັ້ງທັນທີ.