ອະດີດເຈົ້າໜ້າທີ່ຄວບຄຸມ ແລະ ປາບປາມການຄ້າຂາຍເຖື່ອນຫວຽດນາມ ຖືກຈັບ

ສຳນັກຂ່າວໜັງສີພິມ ເອກສເປຣສ(vnExpress) ຂອງຫວຽດນາມ ລາຍງານຂ່າວໃນວັນທີ 26 ກໍລະກົດນີ້ວ່າ: ທ້າວ ດົງ ອະດີດທະຫານຕ້ານການຄ້າຂາຍເຖື່ອນຂອງຫ້ອງການຕຳຫລວດເສດຖະກິດ ພ້ອມພວກອີກ 6 ຄົນຖືກຈັບໃນຂໍ້ຫາລັກນຳເຂົ້າສິນຄ້າເຖື່ອນເພື່ອຂາຍກິນກຳໄລຈຳນວນ 1.282 ຕູ້ຄອນເທນເນີ.ເຫດການດັ່ງກ່າວຖືກເປີດເຜີຍຈາກການສືບສວນຄະດີຄ້າຂາຍເຖື່ອນຂອງທ້າວ ຮວາງຢຸຍຕຽນ ອະດີດທະ ຫານຈຸທີ 7 ຂອງຫ້ອງການຕຳຫຼວດປາບປາມອາດຊະຍາກອນເສດຖະກິດ, ການສໍ້ລາດບັງຫລວງ ແລະ ຄ້າຂາຍເຖື່ອນໃນນະຄອນ ໂຮ່ຈິມິງ ຊຶ່ງມາເຖິງຂະນະນີ້ມີ 23 ຄົນຖືກດຳເນີນຄະດີ. ທ້າວ ດົງ ພ້ອມພວກອີກ 6 ຄົນໄດ້ຈ້າງ ທ້າວ ຮວາງຢຸຍຕຽນ ນຳເຂົ້າເຄື່ອງຈັກເກົ່າຈາກຕ່າງປະເທດເຂົ້າມາ.

ອີງຕາມຂໍ້ກຳນົດຂອງບໍລິສັດ ລະບຸວ່າ: ຈະສາມາດນຳເຂົ້າເຄື່ອງຈັກໄດ້ເມື່ອໄດ້ຮັບອະນຸມັດຈາກບໍລິສັດ ຊຶ່ງເຄື່ອງຈັກດັ່ງກ່າວມີອາຍຸນຳໃຊ້ແລ້ວບໍ່ເກີນ 10 ປີ ຫລື ມີໜັງສືມອບໝາຍຈາກບໍລິສັດ ແລະ ມີໃບຢັ້ງ ຢືນມາດຖານທີ່ຖືກຕ້ອງຕາມເງື່ອນໄຂໃຫ້ນຳເຂົ້າເທົ່ານັ້ນ.