ໄອຍະການບຸກຄົ້ນເຮືອນອະດີດຄະນະ ບໍລິຫານ ໂຕກຽວ ເກມ 2020

ອະດີດຄະນະ ໂຕກຽວ ເກມ 2020 ຖືກໄອຍະການຍີ່ປຸ່ນບຸກຄົ້ນບ້ານສົງໄສຮັບເງິນໂດຍບໍ່ໂປ່ງໃສ່.

ໄອຍະການໂຕກຽວ ຂອງປະເທດຍີ່ປຸ່ນ ບຸກເຂົ້າໄປຄົ້ນບ້ານຂອງ ຮາຣູຍູກິ ທາຄາຮາຊິ ອະດີດສະມາຊິກຄະນະກຳມະການໂອລິມປິກ ໂຕກຽວ ເກມ 2020 ເມື່ອວັນອັງຄານທີ່ຜ່ານມາ ເນື່ອງຈາກຕ້ອງສົງໄສກ່ຽວກັບການຈ່າຍເງິນໃຫ້ລາວ ຢ່າງບໍ່ເຫມາະສົມຈາກ ບໍລິສັດຜູ້ຜະລິດເສື້ອຜ້າ ອາໂອກິ ໂຮລດິງ ຕາມລາຍງານຈາກສຳນັກຂ່າວກຽວໂດ.

ການສອບສວນພວມພິຈາລະນາວ່າ ການຈ່າຍເງິນ 45 ລ້ານເຢນ ລະຫວ່າງປີ 20107-2021 ໃຫ້ກັບບໍລິສັດທີ່ດຳເນີນການໂດຍ ທາຄາຮາຊິ ນັ້ນລະເມີດກົດຫມາຍທີ່ຫ້າມພະນັກງານຮັບເງິນທີ່ກ່ຽວຂ້ອງກັບຕຳແຫນ່ງຫນ້າທີ່ການງານຫລືບໍ່.

ສຳລັບຄະນະກຳມະການຈັດງານໂອລິມປິກຖືເປັນເຄິ່ງຂ້າຣາຊະການ ອາໂອກິ ເປັນຜູ້ສະໜັບສະໜູນຢ່າງເປັນທາງ ການຂອງໂຕກຽວ ເກມ ໂດຍຈັດຫາເຄື່ອງແບບຜູ້ຕັດສິນ ແລະ ຂາຍຊຸດກິລາທີ່ມີລັກຍະລັກໂອລິມປິກ.