ອາລິຍາ ຄວ້າແຊ໊ມລົດຖີບ ໄທແລນ ໂອເພນ 2017 ທີ່ປະເທດໄທ

ທ້າວ ອາລິຍາ ພຸດສະ ຫວັດ ນັກກິລາຖີບລົດມື 1 ທີມຊາດລາວ ເຈົ້າຂອງແຊ໊ມ ຫຼຽນຄຳ ມຽນມາ ເກມ 2013 ພາລົດຄູ່ໃຈເຂົ້າເສັ້ນ ໄຊເປັນອັນດັບ 1 ຄວ້າແຊ໊ມ ການແຂ່ງຂັນລົດຖີບທາງໄກ 90 ກິໂລແມັດ ລາຍການ ໄທ ແລນ ໂອເພນ 2017 ທີ່ແຂວງ ເລີຍ ປະເທດໄທ ພ້ອມທັງສ້າງ ຄວາມໝັ້ນໃຈໃຫ້ໂຕເອງ ກຽມທວງຕຳແໜ່ງແຊ໊ມຫຼຽນຄຳ ໃນງານມະຫະກຳກິລາ ຊີເກມ ຄັ້ງທີ 29 ຫຼື ກົວລາ ລຳເປີ ເກມ ທີ່ປະເທດມາເລ ເຊຍ ເປັນເຈົ້າພາບລະຫວ່າງ ວັນທີ 19-31 ສິງຫາ 2017.
ການແຂ່ງຂັນລົດຖີບ ທາງໄກ ໄລຍະທາງ 90 ກິ ໂລແມັດ ລາຍການ ໄທແລນ ໂອເພນ ຄັ້ງນີ້ ມີນັກກິລາຈາກ ບັນດາສະໂມສອນຂອງປະ ເທດໄທ ເຂົ້າຮ່ວມ 70 ກວ່າ ຄົນ ໃນນັ້ນມີບັນດານັກກິລາ 30 ຄົນຂອງໄທ ຊຸດຄັດເລືອກ ທີມຊາດໄທ ເຂົ້າຮ່ວມແຂ່ງຂັນ ງານກິລາຊີເກມ ທີ່ ມາເລເຊຍ ສະເພາະ ສປປ ລາວ ສົ່ງນັກ ກິລາເຂົ້າຮ່ວມລ່າແຊ໊ມ ປິກອບ ມີ ທ້າວ ສຸດທິສັກ ວັນດີລາ, ທ້າວ ອາລິຍາ ພູນສະຫວັດ ແລະ ທ້າວ ຖາວອນ ພົນອາ ສາ. ຜ່ານການແຂ່ງຂັນຜົນປາ ກົດວ່າ ອາລິຍາ ພູນສະຫວັດ ນັກກິລາຖີບລົດມື 1 ລາວ ພາ ລົດຄູໃຈເຂົ້າເສັ້ນໄຊເປັນອັນ ດັບ 1 ໜີຫ່າງອັນດັບ 2 ນັກກິ ລາລົດຖີບຈາກ ປະເທດໄທ ຂາດຮອຍ 1 ນາທີ 23 ວິນາທີ ຫຼື ສາມາດສ້າງສະຖິຕິຄະ ແນນລວມໄດ້ 2 ຊົ່ວໂມງ 13 ນາທີ ຄວ້າແຊ໊ມລາຍການນີ້ ໄປຄອງ.