ວັນກໍ່ຕັ້ງອົງການພະລັງງານປະລະມານູສາກົນ

ວັນນີໃນອະດີດ!!! ວັນທີ 29 ກໍລະກົດ 1957 ເປັນວັນສ້າງຕັ້ງອົງການປະລະມານູສາກົນຂຶ້ນເປັນອົງການລະຫວ່າງປະເທດທີ່ເນັ້ນສົ່ງເສີມການໃຊ້ພະລັງງານນິວເຄລຍຢ່າງສັນຕິ ແລະ ຫ້າມໃຊ້ທາງການທະຫານໃນນັ້ນລວມໄປເຖິງອາວຸດນິວເຄລຍ IAEA ເຖິງວ່າອົງການດັ່ງກ່າວຈະສ້າງຕັ້ງຂຶ້ນຢ່າງເປັນເອກະລາດຈາກອົງການສະຫະປະ ຊາຊາດໂດຍຜ່ານສົນທິສັນຍາລະຫວ່າງປະເທດຂອງອົງການເອງຄືກົດໝາຍ IAEA, ແຕ່ IAEA ໄດ້ລາຍງານຕໍ່ສະມັດຊາໃຫຍ່ ແລະ ສະພາຄວາມໝັ້ນຄົງສະຫະປະຊາຊາດ.

IAEA ມີສຳນັກງານໃຫຍ່ຢູ່ກຸງວຽນນາ ແລະ ມີຫ້ອງການປົກປ້ອງພາກພື້ນ ສອງແຫ່ງຢູ່ໂທຣຮອນໂຕ ປະເທດການາດາ ແລະ ໂຕກຽວ ປະເທດຍີ່ປຸ່ນ. IAEA ຍັງເປັນສຳນັກງານຕິດຕໍ່ພົວພັນ ສອງແຫ່ງທີ່ຕັ້ງຢູ່ນະຄອນນິວຢອກ ສະຫະລັດອາເມຣິກາ ແລະ ເຈນີວາ ປະເທດສະວິດ. ນອກນີ້ຍັງມີຫ້ອງປະຕິບັດການສາມແຫ່ງຢູ່ກຸງວຽນນາ ແລະ ໄຊເບີຊອບ ປະເທດອອສເຕເຣຍ ແລະ ໂມນາໂກ.

IAEA ເປັນອົງການເພື່ອການຮ່ວມມືທາງວິທະຍາສາດ ແລະ ເຕັກນິກ ເພື່ອໃຊ້ເຕັກໂນໂລຊີນິວເຄລຍ ແລະ ພະລັງງານນິວເຄຍຢ່າງສັນຕິລະຫວ່າງລັດຖະບານໃນທົ່ວໂລກ ໂດຍເນັ້ນສະໜັບສະໜູນການພັດ ທະນາການໃຊ້ເຕັກໂນໂລຊີນິວເຄຍຢ່າງສັນຕິ ການປົກປ້ອງລະຫວ່າງປະເທດຕໍ່ການໃຊ້ເຕັກໂນໂລຊີນິວເຄລຍ ແລະ ວັດຖຸນິວເຄລຍໃນທາງຜິດ ແລະ ສົ່ງເສີມຄວມປອດໄພນິວເຄລຍ(ຮ່ວມກັນປ້ອງກັນລັງສີ) ແລະ ມາດຖານຄວາມປອດໄພນິວເຄລຍໃນການນຳໄປປະຕິບັດ.